ЖЫЛНААМА, 25-ОКТЯБРЬ: Америкалык поп ырчы Кэти Перри 32 жашка толду

"Rise" ырына тартылган клибинен кадр

Кэти Перри

Ырчы түрдүү образдарда өзүн сынап көрөт.

Актёр Орландо Блум жана Кэти Перри

Бүгүн, 25-октябрда америкалык поп ырчы Кэти Перри 32 жашка толду. Ал АКШнын Калифорния штатындагы Санта-Барбара шаарында төрөлгөн. Толук аты-жөнү - Кэтрин Элизабет Хадсон. Кэти "The Beatles" тобунун 6 жумалык Billboard чартындагы рекордун "Мен кызды өптүм" ("I Kissed a Girl") аттуу ыры менен басып өтүп, аталган чартта 7 апта бою кармалып турган. Ушул жылы ырчы Бразилияда өткөн Олимпиада оюндарынын гимни катары жаңырган "Rise" аталышындагы чыгарманы аткарган.

Ырчы 2010-жылы 23-октябрда Рассел Бренд аттуу жигитке турмушка чыккан, бирок түгөйлөр арадан бир жыл өтпөй ажырашууга арыз беришкен. Учурда Перринин англиялык актёр Орландо Блум менен сүйүү мамилери бар экени айтылып, бул маалыматты сүйүшкөндөр жакында эле тастыкташкан. Атүгүл эс алуу учурундагы сүрөттөрү байма-бай жарыяланып, "Блум ырчыга үйлөнүүгө даяр" деген кептер айтылууда. Алардын сүйүү романы той менен аяктайбы, азырынча белгисиз.

25-октябрдын жылнаамасы.

Автор: Турсунай Алымкулова
Фото: Интернеттен алынган