"Үркүн-1916" сынагында кайгылуу окуяларга арналган мыкты музыкалык чыгармалар аныкталды

"Үркүн" музыкалык чыгармалар сынагынын жыйынтыгы чыгарылды. Бул тууралуу Маданият, маалымат жана туризм министрлигинин басма сөз кызматы билдирди.

"Салтанаттуу иш-чарада министрдин милдетин аткаруучу Түгөлбай Казаков кыргыздын материалдык жана руханий маданиятын колдоо жана өнүктүрүү боюнча композиторлордун салымын баса белгилеп, диплом, грамота жана медалдарды тапшырды", - деп айтылат маалыматта.

Сынакка 42 музыканын авторлору катышкан. Калыстар курамын маданият ишмерлери түзгөн. Маалыматка ылайык, Үркүнгө арналган мыкты симфониялык чыгарма болуп Батыт Алишеровдун “Баатырларга” жана Мурзалы Жээнбаевдин “Аалам” аттуу чыгармалары табылды. 2-орунга “Үркүн” чыгармасы менен Сатылган Осмонов жана Райхан Бейшеналиеванын “Үркүн-2016” чыгармалары татыктуу болду. 3-орунду “Мир” чыгармасы менен Наргиза Курманова жана “Мекен ыры” менен Кенжегазы Асанбаев алган.

"Музыкалык аспаптар" номинациясында "Жетиген" чыгармасы менен Эсенгул Жумабаев жана Турдубек Чокиевдин "Залкар" чыгармасы, 2-орунга Бакыт Алишеровдун "Улуу дүйнө" жана "Манас" чыгармасы менен Сатылган Осмонов, 3-орунга "Түш көрүү" чыгармасы менен Таалайбек Дооронов татыктуу болду. "Хор" номинациясында Наргиза Курманованын “Космос” чыгармасы, Акимжан Жээнбаевдин "Эскерме кербези" жана Совхозбек Айткеевдин "Вокализ" чыгармалары мыкты хор чыгармалары болуп табылды.

Кайгылуу окуяларга арналган "Үркүн-2016" мыкты музыкалык чыгармалар сынагына Маданият, маалымат жана туризм министрлиги тарабынан 1 миллион сом бөлүнгөн.

Автор: Айсара Тыналы кызы

15:17 02-11-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1375 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1331 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1479 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1487 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 832 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2814 0

Архив

Комментарийлер (2)

chon.alai.

2016-11-02 15:30:36

1916-жылы орустар басканда байкуш канчалаган бей ажал адамдар олуп кетишкен.ачкадан сууктан тонуш олушкон.экен

Belek2070

2016-11-02 17:05:24

chon.alai.,Мен азыр кочодон калчылдаган арык бурушкон иттерди корсом 2016 жылдагы Кыргыздарды элестетем, биздин ата бабалар ошондой абалды башынан откоргон. Кочодогу иттерге нан соок берип жургуло таш менен уруп куубастан.

Комментарий калтыруу үчүн өз ысымыңыз менен кириңиз же каттоодон өтүңүз.