Эң көп гонорар алган дүйнөлүк жылдыздар: Тейлор Свифт, Адель, Мадонна, Рианна, Бейонсе

Селин Дион

Кэти Перри

Бритни Спирс

Бейонсе

Адель

Тейлор Свифт

"Forbes" басылмасы атактуулардын миллиондорун эсептөөнү улантууда. Бул жолу алар дүйнөгө белгилүү ырчы айымдардын гонорары канча турарын эсептеп чыгышкан. Бул тууралуу чет элдик басылмалар жазып чыгышты.

Маалыматтарга караганда, бул жылы эң көп гонорар алгандардын сап башында ири өлчөмдөгү, тагыраагы, 170 миллион доллар көрсөткүчү менен ырчы Тейлор Свифт турат. Мындай каржылык ийгиликти ырчыга "1989" аталышындагы дүйнөлүк турне жана "Diet Coke", "Apple", "Keds" компаниялары менен түзгөн келишим алып келген. Андан кийинки орунда 80,5 миллион доллар иштеп тапкан Адель турат. Анын кирешесинин басымдуу бөлүгүн көптөгөн концерт коюулары жана "25" альбомун сатуудан түшкөн киреше түзөт. Үчүнчү орунда мындан 3 жыл мурун жогоруда аталган тизмектин лидери болгон Мадонна 76,5 миллион доллары менен ээлеген. Андан соң 75 миллион доллар көрсөткүчү менен Рианна турса, алдынкы бештикти 54 миллион доллары менен Бейонсе жыйынтыктайт.

Дүйнөдө эң көп төлөнгөн ырчылардын толук тизмеси төмөнкүдөй (доллар менен эсептегенде):

1. Тейлор Свифт - 170 миллион

2. Адель - 80,5 миллион

3. Мадонна - 76,5 миллион

4. Рианна - 75 миллион

5. Бейонсе - 54 миллион

6. Кэти Перри - 41 миллион

7. Женнифер Лопес - 39,5 миллион

8. Бритни Спирс - 30,5 миллион

9. Шанайя Твейн - 27,5 миллион

10. Селин Дион - 27 миллион

Автор: Турсунай Алымкулова
Фото: Интернеттен алынган