Азимжан Аскаровдун сотунда жактоочу тарап менен айыптоочу тарап кайым айтышты

Бүгүн, 8-ноябрда Чүй облустук сотунда Азимжан Аскаровдун ишин кароо уланды. Анда кошумча күбө катары жалпы 6 адам суралып, алардын баары Аскаровдун күнөөсү жок экенин айтышты. Андан соң жактоочу тарап сотко бир катар өтүнүчтөрдү келтирди. Айыпталуучунун коомдук жактоочусу Төлөйкан Исмаилова күбөлөрдү кыйноого алган факт боюнча ишти Башкы прокуратурага жөнөтүп, юридикалык баа берүү өтүнүчүн келтирди. Буга соттук коллегия тиешелүү материалдарды карап чыгуу керектигин айтып, өтүнүчтү ачык калтырды. Ошондой эле жактоочу тарап тергөөчү Жоробековду, эксперт Маматовду, Кубатбек Байболовду, Азимбек Бекназаровду жана Азиза Абдирасулованы дагы суракка алуу өтүнүчүн келтирди. Буга айыптоочу тарап “Ишти жөн эле созо бересиңерби?” деп каршы чыкты. Натыйжада эки тараптын ортосунда кайым айтышуу орун алды. Ал эми сот бул өтүнүчтү жарым-жартылай канааттандырып, ишти 15-ноябрга жылдырды.

Эскерте кетсек, Азимжан Аскаровду 2011-жылы Кыргыз Республикасынын Жогорку Соту күнөөлүү деп таап, өмүр бою эркинен ажыраткан. Бул чечимге макул болбогон Азимжан Аскаров БУУнун Адам укуктары боюнча комитетине кайрылган. Ал комитеттин үстүбүздөгү жылдын 20-апрелинде чыгарган чечимине ылайык, Аскаровду абактан бошотуп, соттун өкүмүн жокко чыгаруу каралган. Мындан улам жаңы ачылган жагдайларга байланыштуу иш Жогорку Сотто кайрадан каралып, Жалал-Абад облустук сотунун 2010-жылдын 10-ноябрындагы өкүмү жана Жогорку Соттун 2011-жылдын 20-декабрындагы токтому жокко чыгарылган. Ошондой эле жазык ишти апелляциялык тартипте кароо үчүн Чүй облустук сотуна жиберүү чечими кабыл алынган.

Автор: Бекжан Рыскулов

14:10 08-11-2016

Жазылуу

РУБРИКАДАГЫ СОҢКУ КАБАРЛАР

23:40 2025-06-24 | Түркүн дүйнө

Дональд Трамп "Нобелдин" тынчтык сыйлыгына көрсөтүлдү 458 0

22:46 2025-06-24 | Коом жана турмуш

25-июнга карата аба ырайы 317 0

22:18 2025-06-24 | Түркүн дүйнө

АКШ Конгрессинин кызматкерлерине WhatsApp тиркемесин колдонууга тыюу салынды 340 0

21:23 2025-06-24 | Түркүн дүйнө

Кытай интернет колдонуучулар үчүн мамлекеттик санарип ID киргизүүдө 349 0

20:55 2025-06-24 | Коом жана турмуш

Блог: Мен көргөн Анталья: күн, деңиз, тарых жана сезимдер 702 0

20:37 2025-06-24 | Саясат

УКМК Токмок шаарынын мэри эмнеге кармалганын айтты 2304 0

Архив

Комментарийлер (8)

meni_kut

2016-11-08 14:30:12

Толойкан Исмаилова ХХХ ХХХ Айыпталуучу жазасын алсын.Сот тура чечим чыгарат деген умуттобуз

admin_superstan

2016-11-08 15:43:30

meni_kut,этика нормаларын сактап, кимдир-бирөөнү мазактоодон алыс болуӊуз. Оозеки эскертүү!

-4

dina1983-19

2016-11-08 15:52:33

Камаш керек соттор не болгонсуңар бироо жарым коркутуп жатабы же урук тукумуңарга жететурган акча сунуштап жатабы. Ким кай жерде ким болушуна карабай акыйкатуу болушу керек кудай коруп билип турат эртен жооп беретурган кундор бар. Сотторго адилеттуу болууга чакырат элем.

Lewa90

2016-11-08 16:12:36

Алты жылдан бери путпогон ушу сот иштерине айранмын Аскаровтун кунолу экенин бары билет акча ойноп жатат ушунтип бир кун акталып чыгып кетсе тан калбайм бирок ошону чыгарган сотко наалат айтар элем.

Bolunbo.kyrgyz

2016-11-08 18:47:17

Соттор ушул жерде акыйкаттык кылып таза чечпесенер ишти кийин кеч болот миллион доллар берсе алданып калбагыла кийин жаман болот силердин милдетинер ото катаал

jibew

2016-11-08 19:22:12

Ушу Толойкан Исмаилова дегенге акча эле керек окшойт. Кыргыздын намысын сатып, ыразза бирдемелерди айтайын дейм пайда жок. Буга акчасын жакшы толоп берсе ата энесин,бир туугандарын да аябайт.

Bekzamann

2016-11-08 19:44:18

Куноолуу адам жазасын алсын!!!

Комментарий калтыруу үчүн өз ысымыңыз менен кириңиз же каттоодон өтүңүз.