Кытайда өтүп жаткан Кыргыз маданиятынын күндөрүндө таланттарыбыз кытай элин таң калтырышууда

Кыргыз делегациясы Улуу Кытай сепилинде

Нурсултан Майназаров менен чогуу кечени алып барган Лии Шии Янг 10 жылдан бери аскерде кызмат кылат.

Улуу Кытай сепили

Кыргыз делегациясы

Кытайда Кыргыз өлкөсүнүн Маданият күндөрү кызуу өтүп жатат. Бул тууралуу SUPER.KG`ге кыргыз делегациясы менен барган алып баруучу Нурсултан Майназаров билдирди.

"Кытайдын борбор калаасы Пекин шаарындагы Чоң балет театрында Кыргыз маданиятынын күндөрүнүн ачылыш аземи болду. Кытай Элдик Республикасынын Маданият министринин орун басары Динг Вей мырзанын куттуктоо сөзү өзгөчө болду. Ал байыркы тарыхыбызда кытай-кыргыз эли тыгыз байланышта болгонун, кытай эли дүйнөгө белгилүү "Манас" эпосун жакшы билерин, залкар жазуучубуз Чыңгыз Айтматовду таанышарын билдирди. Ошондой эле кытайлардын биздин Айтматовдой белгилүү жазуучусу бар экенин, ал кыргыз өлкөсүндөгү Суяб деген жерде төрөлгөнүн да айтып өттү.

Бул жактагы кыргыз делегациясынын катарында "Камбаркан" тобу, "Ак марал" бий ансамбли, Кыргыз Республикасынын Эл артисти Саламат Садыкова, дирижёр Рысбек Жумакунов, комузчу Самара Токтакунова, опера ырчылары, манасчы Замир Баялинов, концерттик программаны жетектеген Эрмек Муканбетов, кыргыздын ийилчээк кызы Аида Акматова жана башкалар бар. Саламат Садыкова популярдуу кытай ырын ырдап, кытай көрүүчүлөрүн таң калтырды. Кызыгы, мени менен чогуу маданий кечени алып барган Лии Шии Янг 10 жылдан бери армияда кызматта экен", - дейт
Н.Майназаров.

Белгилей кетсек, 11-ноябрда башталган маданий иш-чара Пекин, Гуанчжоу шаарларында 17-ноябрга чейин уланат.

Автор: Турсунай Алымкулова
Фото: Нурсултан Майназаров

15:43 14-11-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1375 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1331 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1479 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1487 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 832 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2814 0

Архив

Комментарийлер (3)

Patriotkgz93

2016-11-14 16:00:27

Азаматтар ийгилик

ainura220888

2016-11-15 02:00:24

Кытайда баардык жак жапжашыл кебирлери этчен журотго ошончо ыссык бекен? Майназаровда кытайларга окшоп калат экен. Эгер аны тааныбасам кытай деп ойломокмун)

abde-7082

2016-11-17 10:34:38

ийгилик! ийгилик! ийгилик!

Комментарий калтыруу үчүн өз ысымыңыз менен кириңиз же каттоодон өтүңүз.