ЖЫЛНААМА, 18-НОЯБРЬ: 38 жыл мурун Түштүк Америкада диний агымдын мүчөлөрү массалык түрдө өз жанына кол салышып, 911 киши каза болгон

Мындан 38 жыл мурун Түштүк Америкадагы “Элдер храмы” сектасынын мүчөлөрү массалык түрдө өз жанына кол салышып, 911 киши каза болгон.

"Элдер храмы" - жаңы диний агым же диний тоталитардык секта. Бул секта Жеймс Уорен жана Жим Жонсон аттуу адамдар тарабынан 1955-жылы АКШдагы Индианаполис шаарында түзүлгөн. Башында бул диний агымга материалдык жактан кыйналгандар, кары адамдар, сойкулар, үйсүздөр, баңгизатын колдонгондор киришкен. Убакыт өткөн сайын бул диний агымга киргендердин саны көбөйүп, алардын туугандары "адамдарды зомбиге айлантып жатышат" деген доомат менен сотко кайрылышкан. Ошондон улам Жим Жонсон АКШдан чыгып кеткен. 1974-жылы Жонсон Гайанадан жер алып, Жонстаун аталышындагы өзүнүн диний агымынын өкүлдөрүнө турак жай ачат. 1977-жылы Жим 900 адам менен Жонстаунга көчүп келет. Тургундар күнүнө 11 сааттан иштеп, аталган аймакка бала бакча жана клуб курушкан.

1978-жылы 17-ноябрда АКШнын конгрессмени Лео Райан диний агымды кабыл алгандардын бир туугандары менен биргеликте Жонстаунга келет. Алар менен кошо 16 адам кетүүнү каалайт. Аэропорттон уча турган болушканда, белгисиз адамдар тарабынан аларга ок чыгарылып, 5 адам каза табат, алардын ичинде Лео Райан дагы болгон. Бул кырсыкты уккан Жим Жонсон чогулуш өткөрүп, алардын жашоосу мындан ары мурдагыдай болбойт экенин, өлүмдөн башка жол жок экенин айтат. Анын буйругу менен шарап ууландырылып, кичинекей балдардан баштап ичишип, сектанын мүчөлөрү массалык түрдө өз жанына кол салышкан. Ал эми Ж.Жонсон өзүн өзү атып өлтүргөн. Гайанада баш-аягы 911 киши каза болгон.

18-ноябрга карата жылнаама.

Автор: Саадат Токтоболот кызы