КИНОЗАЛ: Эксклюзив! "Ош-Бишкек жолунда" тасмасын тартуу учурунда Оштун эли-жерин аябай жакшы көрүп калдык" дейт режиссёр

Бүгүн, 21-ноябрда "Кинозал" бөлүмү жаңы, эксклюзивдүү "Ош-Бишкек жолунда" комедиялык тасмасы менен толукталды. Тасманын режиссёру - Ырыс Жоомартова, продюсери - Алымкан Таштанбекова. Анда актёр-актрисалар Адинай Кемелова, Бакыт Жанузаков роль жаратышкан.

Ырыс Жоомартова тасма тартуу учурунда чыгармачыл топ Оштун элин меймандостугу, камкордугу, ар дайым жардам бергендигине абдан ыраазы болуп, жакшы көрүп калганын айтат.

"Тасманын 80 пайызы Ош жергесинде тартылды. Аталган облустагы тамак-аштын арзандыгы, даамдуулугу, элинин меймандостугу кубантып жатты. Тасма тартуу учурунда чыгармачыл топ Ошту аябай жакшы көрүп калды. Тамак-аштын арзандыгынан үйдөн тамак ичпей, көчөдөн ичип жаттык.

Тартуу иштери кызыктуу болду. Башкы каармандар орус чалыш болгондуктан, аларга кыргызча тексттерди жаттоо кыйынчылык жаратып жатты. Тасма 2 айдан ашуун убакытта тартылып бүттү. Ош мамлекеттик университетинин ректоруна, Кыргыз драма театрына колдоо көрсөткөнү үчүн терең ыраазычылык билдиребиз", - деди Ы.Жоомартова.

Тасмада шаардык кыз Ошко таенесинин үйүнө конокко жөнөйт. Ал Ош-Бишкек жолунда сүйүүсүн жолуктурат, бирок жигиттин ата-энеси башка кызга сөйкө салып, кудалашып койгон болот. Тасмада ушул окуянын айланасында түшүнбөстүктөр жаралат.

"Ош-Бишкек жолунда" тасмасын бул жерден көрүңүз.

Автор: Турсунай Алымкулова

11:28 21-11-2016

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта парадга катышкан Улуттук гвардиянын аскерлери кайтып келишти (видео) 738 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 2721 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 1034 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2731 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 1102 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 565 0

Архив

Комментарийлер (7)

adyl.xxxxx

2016-11-21 11:40:51

Орус чалыш)) күйбөгөн жериң күл болот.

lolo.1

2016-11-21 12:09:20

Садагам Оштой жеримден!

stimyl.kg

2016-11-21 12:34:42

Жакшы коруп калдык дегенин кандай тушунсо болот? Эмне ушул кезге чейин жаман коруп келдинер беле? Элдин ансезиминде тундук туштук жэ Оштук деген болунуучулук аябай бекем орун алганда.

+15

meni_kut

2016-11-21 12:41:51

Мен да Бишкектен болом.Ошко келгенбиз.Бишкектегидей криминал жула качмай жок,эли ыймандуу боорукер,главное ыйман бар экен.

+15

ekaterinburg

2016-11-21 13:15:10

Кыргыз жери соп-сонун,кыйласынан Ош сонун!

Medina87

2016-11-21 14:02:51

Мин жерден тундук-туштук болуп болунгон кундо да Кыргыз элим меймандостугу, кенпейилдуулугу, берешендилуугу менен данктуу!

Nur1k

2016-11-21 16:52:56

Как будто башка мамлекетти башка элдерди айткандай эле айтыптырго чиркин.

Комментарий калтыруу үчүн өз ысымыңыз менен кириңиз же каттоодон өтүңүз.