Санкт-Петербургда боз үй көргөзмөгө коюлуп, эл өкүлдөрү кыргыздардын суранычын аткарбай турганын билдиришти

Орусиянын Санкт-Петербург шаарында "Этнопарк" улуттар аралык комплексинде тарыхый турак жайлардын көргөзмөсү өтүп жатат. Бул тууралуу "Куржун СПБ" жаштар уюмунун мүчөсү, Кыргыз өлкөсүнүн атынан катышып жаткан Айпери Рахманбердиева SUPER.KG порталына бүгүн, 27-ноябрда кабарлады.

Айпери Рахманбердиеванын айтымында, көргөзмөгө катышууга аларды Улуттар үйү чакырган. Кыргыз командасы тарабынан көргөзмөгө боз үй коюлган.

"Санкт-Петербургда көп улут жашайт. Алардын ичинде кыргыздар да бар. Башка өлкөдө жашап жаткандыктан, өзүбүздүн маданиятыбызды колдоп, маданий иш-чараларды тез-тез өткөрүп, улуттук оюн, бий, ыр, каада-салттарыбызды даңазалап турушубуз абзел", - деди Рахманбердиева.

Ошондой эле 25-ноябрда депутаттар Мирлан Бакиров, Каныбек Иманалиев, Руслан Казакбаев, Максат Сабиров жана Кыргыз Республикасынын Орусиядагы элчиси Болот Отунбаев Санкт-Петербургдагы кыргыз мигранттарынын көйгөйлөрүн угууга барышканы маалым. Жолугушууда аталган шаардагы мигранттар Маданий үй ачып берүүнү өтүнүшкөн.

"Түркмөнстандын жаштарынын башын бириктирген Маданий үйү бар. Биз да өз кезегибизде келген эл өкүлдөрдөн кыргыздар үчүн маданий борбор ачып берүүнү сурансак, "бюджетте акча жок, өз күчүңөр менен ачып алгыла" деп жооп узатышты. Ушундай нерселерге алар көңүл бурбаса, биз, жаштар, иштеп үй-бүлө багабызбы же Маданий үй ачабызбы?" - деп суроо салды Рахманбердиева.

Автор: Үмүт Абдраимова
Фото: Айпери Рахманбердиева

13:37 27-11-2016

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта парадга катышкан Улуттук гвардиянын аскерлери кайтып келишти (видео) 659 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 2584 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 973 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2658 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 1059 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 534 0

Архив

Комментарийлер (10)

gul.1995

2016-11-27 13:56:30

Оздоруно жалтыратып значок жасатышса акча бар, ал эми элге калганда бюджетте акча жок. Ушул жеп жутаттар качан элдин камын ойлойт экен(((

+27

Rifle_I

2016-11-27 15:04:55

Силерге маданий үй ачабызбы же 120 бакма койлорду багабызбы ? Ансыз да биякта ар бир койго алтындан ээн белги тагыш керек болуп жатат. Бюджетте эл үчүн акча жок, бирок өзүбүз үчүн бар .
Табышмак : Мындай жоопту ким узатат ?

+14

nur_zhoni

2016-11-27 15:05:30

Балык башынан сасыйт дейт баардык маселе Алмазбек Атамбаевде эн начар президент деген наам алып калышы мумкун бул президентибиз

+11

Rifle_I

2016-11-27 15:09:23

Эл атасы деген атка конуп жатат. Ар ким өзүнө окшогонун тандайт. Эч таарынбагыла эл журт. Биз да өзүбүзгө окшогон президент шайладык. Ар бир чоң ийгилик, өзүбүздөн башталат. Өзүбүз шайлоодо тойго, концертке, акчага алданып шайлап алдык.

kubat_73

2016-11-27 16:18:13

Rifle_I,Эл атасы деген аттан айланабы.Андай атадан корокчо жетим жургонубуз жакшы.Ал жанагы Иса Омуркулов Рыскелди Момбеков дегендерге окшогон кошоматчылардын гана атасы.

Zinazima

2016-11-27 21:00:18

Rifle_I, сиздин созунуздо Жан бар

nur_zhoni

2016-11-27 15:06:21

Бираз чон боз уй койбоптурда

-2

madina.87

2016-11-27 15:16:01

nur_zhoni,болсо коюшабы?
Бюджетте акча жок болсо, ыбырсып ошончон эмнеге бардынар анан! !!
Экоон барып элдин унун угуп, калгандарынарга кеткен чыгымга бул жактан кооз бир боз уй ала барсанар болмок.

-4

Azizbek.kg8

2016-11-27 15:31:09

Ээ Жеп жуутар дейбизби бийлик окулдору дейбизби айтоор кимге тийишту болсо угуп же окуп алаар,Качан Эл камын жеген окулдору келеер экен чокуга.

mansurhan

2016-11-27 15:41:13

Эл козуно кычыратып бажырайган уй тикпей, кедей экономикабызды чагылдыралы дешкен го алачыкга окшоп калыптыр.

Комментарий калтыруу үчүн өз ысымыңыз менен кириңиз же каттоодон өтүңүз.