Ошто Сүймөнкул Чокморовдун элесине арналган волейбол боюнча мелдеш жыйынтыкталды

Бүгүн, 2-декабрь күнү Ош шаарынын “Коңурат” спорт клубунда кыргыздын залкар инсаны, даңазалуу сүрөтчү жана киноактёр Сүймөнкул Чокморовдун жаркын элесине арналган волейбол боюнча мелдеш жыйынтыкталды.

Мелдештин жыйынтыгында 1-орунду Бишкек шаарынан “EREM” командасы багындырса, 2-орунду “Дархан-ОшТУ” командасы, 3-орунду “Улар”, 4-орунду “Ош бажы” командасы ээледи.

Жеӊүүчүлɵргɵ баалуу белектер, дипломдор, 1-орунга 70 миң сом, 2-орунга 50 миң сом, 3-орунга 25 миң сом, 4-орунду ээлеген командага 10 миң сом акчалай сыйлыктар жана кубок тапшырылды. Ошондой эле “Мыкты оюнчу”, “Мыкты чабуулчу”, “Мыкты коргоочу”, “Мыкты күйөрман” номинациялары аныкталып, кызыктыруучу белектер ыйгарылды.

“Улуу инсан, киноактёр Сүймөнкул Чокморовду эскерип, анын талантына таазим кылып отурабыз. Биз залкарларды унутпай, алардын урматына спорттук иш-чараларды өткөрүп турганыбыз жакшы жышаан. Республиканын жети дубанынан чогулган бардык командалар мелдеште татыктуу оюн көрсөтүштү. Мелдеш экинчи ирет өтүп жатат, келечекте жылда уюштурулат деп ишендирип кетем. Ошондой эле эл аралык деңгээлде өткөрүүнү максат кылып жатабыз”, - деди биринчи вице-мэр Замирбек Аскаров.

Автор: Үмүт Абдраимова
Фото: Ош шаардык мэриясы

19:15 02-12-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1375 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1331 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1479 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1487 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 832 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2814 0

Архив

Комментарийлер (3)

doki88

2016-12-03 08:24:50

Менин кайним журотко акыркы суротто он жактан 4чу

tyny44

2016-12-03 16:34:27

doki88, кайниниздин атын жазыпта койунуз тааныгандар бардыр

azabraza

2016-12-03 23:32:25

эрем ош бажыдан утулп калат эле бир звонок менен утуп алышты болбосо 3 же 4ту алат болчу дархан чемпион нурмухамед алга сага кыргызстанда тен келген оюнчу жок

Комментарий калтыруу үчүн өз ысымыңыз менен кириңиз же каттоодон өтүңүз.