ЖЫЛНААМА, 11-ДЕКАБРЬ: Орусиялык атактуу музыкант Андрей Макаревич 63 жашка толду

"Машина времени" тобу. 1987-жыл.

Орусиянын Эл артисти Андрей Макаревич 63 жашка толду. Советтик жана орусиялык музыкант, ырчы, акын, композитор, сүрөтчү, продюсер, телеалпаруучу жана “Машина времени” ырчылар тобунун лидери 1953-жылы 11-декабрда Москва шаарында архитектордун үй-бүлөсүндө туулган.

Андрей Макаревич атасынын жетекчилиги менен бала кезинен фортепианодо ойногон. 12 жашында өзү гитара чертүүнү үйрөнүп, ыр жазган. Ал Булат Окуджава жана "The Beatles" тобунун ырларына кызыккан.

8-классында "The Kids" ансамблин негиздеп, чет элдик ырларды ырдап чыгышкан. Ал эми 1969-жылы классташтары менен "Машина времени" рок тобун түзгөн. Бул топ алгач "Time mashine" деп аталып, "The Beatles" тобунун ырларын аткарган. 1973-жылдан тартып топтун аты орусчаланып, "Ты или я", "Из конца в конец", "Марионетки" деген аталыштагы белгилүү ырларын жаздырган. Аны менен катар Макаревич сүрөтчүлүк өнөр менен алектенип, көргөзмөлөрү дүйнөнүн бир нече өлкөлөрүндө өтүп турган.

90-жылдардын башында аталган топ орус рок жанрынын классикасына айланган "Будет день", "Свеча", "Снег" жана башка ырларды жараткан. Ошол эле жылы ырчы өзүнүн "Поворот" деген хитке айланган чыгармасын чыгарган. 1993-жылы Макаревич "Смак" кулинардык телекөрсөтүүсүнүн алып бара баштаган. Ал эми 2002-жылы "Креоль тангосунун оркестрин" негиздеген. Музыкант учурда да чыгармачылык менен кызуу алектенип жаткан кези.

11-декабрга карата жылнаама.

Автор: Саадат Токтоболот кызы