Бишкек-Ош унаа жолуна экинчи ирет кар көчкү түшүп, досун күткөн жарандын унаасын оодарып кетти

Бишкек-Ош унаа жолунун 224-чакырымында саат 10:40та экинчи ирет кар көчкү түшүп, жүк ташуучу унааны оодарып кетти. Бул тууралуу Транспорт жана жол министрлигинин басма сөз кызматы кабарлады.

Маалыматка ылайык, анын узундугу 150, туурасы 12, бийиктиги 3 метр, көлөмү 5400 метр кубга жетет.

"Кар көчкү кооптуу аймактан кетпей, досун күткөн жарандын Mersedec Gigant жүк ташуучу унаасын сүрүп, оодарып кетти. Ичиндеги айдоочу менен жүргүнчү жеңил жаракат алып, медицина кызматкерлери тарабынан биринчи жардам көрсөтүлгөн", - деп жазылат маалыматта.

Бул кар көчкү саат 11:25те толугу менен тазаланып, жол ачылган. Ал эми бүгүн аталган жолго саат 09:20да түшкөн кар көчкү тазаланып жатат.

Автор: Үмүт Абдраимова
Фото: Интернеттен алынды