Орусиянын Москва шаарында уурулукка шектелген Кыргыз жараны изделүүдө

Орусиянын Москва шаарында уурулукка шектелген Кыргыз жараны изделүүдө. Бул тууралуу Ички иштер министрлигинин Орусиядагы өкүлү Аскат Алиев билдирди.

"Сүрөттөгү баланы ким тааныса, жүргөн жерин билгендер болсо, +79268908700 телефон номуруна же ИИМдин Орусиядагы өкүлчүлүгүнө келип маалымат берүүңүздөрдү суранабыз. Анонимдүүлүккө кепилдик берилет", - дейт Алиев.

Буга чейин Ички иштер министрлигинин Орусиядагы өкүлү Аскат Алиев Москва шаарында иштеп жүргөн Кыргыз жарандарына кайрылып, уурулардан сак болууга чакырган. Анда болжол менен 19-25 жаштагы кыз-жигит "батир же бөлмөнү ижарага алабыз" деп кыргыздар жашаган батирлерге киришип, жарандардын баалуу буюмдарын, акчаларын, документтерин уурдап кетип жатышканы айтылган.

Автор: Бекжан Рыскулов
Фото: Аскат Алиев