Кыргыз улуттук университетинин жасалма дипломун алып жүргөн адам кармалды

О.О. аттуу кытай жаранына таандык болгон Бишкектеги Ж.Баласагын атындагы Кыргыз улуттук университетинин жасалма дипломун алып жүргөн кыргызстандык Ц.С. аттуу жаран 26-апрелде кармалды. Бул тууралуу УКМКнын басма сөз кызматы билдирди. Учурда жасалма диплом алып жүргөн адамга карата Кылмыш кодексинин 350-беренеси (жасалма документтерди даярдоо, сатуу, колдонуу) боюнча кылмыш иши козголуп, тергөө жүрүп жатканы айтылды. Эгерде кармалган адамды сот күнөөлүү деп тапса, анда ал 2-3 жылга эркинен ажыратылышы мүмкүн.

Автор: Мээрим Жеңишбек кызы