Леди Гаганын "учуп" ырдаган видеосу 2 күндө 12 миллиондон ашуун кароого ээ болду

Дүйнө жүзүнө белгилүү болгон Леди Гаганын Супербоулдун финалындагы 15 мүнөттүк номери укмуштуудай болгондуктан, күйөрмандарга чоң сүйүнүч тартуулаган. Ал эми 300дөй дрондун катышуусу менен тартылган видео 2 күн аралыгында 12 миллиондон ашуун көрүүгө ээ болуп, интернетте хитке айланды.

Унутулгус көз ирмем тартуулоо үчүн ырчы 300дөн ашуун квадрокоптер колдонгон. Алгач Гага импровизацияланган көк тиреген имараттын чокусунда ырдап баштайт. Ал ырдап жатканда жүздөгөн дрондордун жарыгы берилип турган. Мындан сырткары ырчы сахнада бир нече акробаттык трюктарды аткарып, анын "учканы" номеринин туу чокусу болгон.

Леди Гаганын кийими менен макияжы ар дайымкыдай өзгөчөлөнгөн. Бул ирет ал хит болгон "Poker Face" жана "Bad Romance" ырларын аткарган.

Супербоул - АКШда Улуттук футбол лигасынын чемпиондугунда өтүүчү финалдык оюн.