Чемпиондор Лигасы: “Бавария” өз талаасында “Арсеналды” ири эсепте утту, мадриддик “Реал” “Наполини” жеңди

16-февралга караган түнү Европадагы эң ири клубдар аралык ири мелдеш – Чемпиондор Лигасынын жарым чейрек финалдык оюндар уланды. Анда “Альянц Арена” стадионунда “Бавария” лондондук “Арсеналды” кабыл алды. Ал эми Мадридде жергиликтүү “Реал” италиялык “Наполи” менен кез келди.

"Бавария" (Германия) - "Арсенал" (Англия) – 5:1

Голдор: Роббен (11-мүнөттө), Левандовски (53-мүнөттө), Алькантара (56-мүнөттө, 63-мүнөттө), Мюллер (88-мүнөттө) - Санчес (30-мүнөттө)

Мюнхендик “Бавария” менен лондондук “Арсенал” акыркы жылдары Чемпиондор Лигасынын плей-офф баскычында бир канча жолудан жолугушкан. Анын бардыгында тең немис командасы жеңип, “Бавария” Арсен Венгер үчүн коркунучтуу түшкө айланган. Кечээки беттеш да дал ошондой болду.

Оюндун 10-мүнөтү өткүчөктү үй ээсинин жарым коргоочусу Арьен Роббендин алыстан узатылган соккусу таамай болду. Коноктор оюндун жарым сааты өткөндө гана чабуулдарга өтүп, пенальтиге ээ болушту. Алексис Санчестин 11 метрлик айып соккусун Мануель Нойер тоскону менен кошумча узатылган соккусуна даяр болгон жок. Эсеп 1:1.

Экинчи таймда талаада бир гана команда болду. Ал “Бавария”. Чабуул артынан чабуул койгон мюнхендиктер 10 мүнөттүн ичинде коноктордун дарбазасына 3 гол киргизгенге үлгүрүштү. Тьяго Алькантара 2 голдун ээси болсо, Роберт Левандовски бирди киргизди.

Алмашууга чыккан Томас Мюллер оюндун чекитин 88-мүнөттө койду. Эсеп 5:1.

"Реал" (Испания) - "Наполи" (Италия) – 3:1

Голдор: Бензема (18-мүнөттө), Кроос (49-мүнөттө), Каземиро (54-мүнөттө), Инсинье (8-мүнөттө).

Учурдагы Чемпиондор Лигасынын ээси мадриддик “Реал” өз үйүндө “Наполиден” күчтүү болду. Италиялык команданын чабуулчусу Лоренцо Инсинье оюндун башында эле гол киргизип, “Сантьяго Бернабеуну” бир канча мүнөттөргө тынчтандырды.

“Наполинин” сүйүнүчү узакка созулган жок. 18-мүнөттө Карим Бензема эсепти теңеди.

Экинчи таймда үй ээси бардык күчүн сарптап, эки голду киргизгенге жетишти. Жарым коргоочулар Тони Кроос менен Каземиро 5 мүнөт аралыгында айырмаланышты. Калыстын ышкырыгы 3:1 эсебин каттады.

Бул командалардын ортосундагы жооптук оюндар 7-мартка белгиленген.

Бавария - Арсенал. Чемпиондор Лигасы

Реал Мадрид - Наполи. Чемпиондор Лигасы

Автор: Адилет Керимбек уулу

10:05 16-02-2017

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта парадга катышкан Улуттук гвардиянын аскерлери кайтып келишти (видео) 659 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 2584 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 973 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2658 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 1059 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 534 0

Архив

Комментарийлер (29)

Taku.14.02

2017-02-16 10:27:00

бабария кыйын болгон менен финалга жетрей ыргып кетет дайым катуу келатып. кыбыраган кыр ашат болуп реал утат

KgEka

2017-02-16 10:45:06

Taku.14.02,акыркы жолу 12,13 финалга чыккан, 14,15,16 жылдары Испаниялык адис машыктырган жана уч жолу жарым финалда Испан клубтарына утулуп калган, быйыл Бавария ЧЛды утат

Taku.14.02

2017-02-16 11:03:33

KgEka, жакында Бейл чыгат Карвахаль айыгыптыр буйурса мына анан РЕАЛды коргуло

Alpengold.

2017-02-16 10:46:26

Taku.14.02, буйруса сен айткандай болуп быйылда Реал утуп алсынчы

Ronaldo.99

2017-02-16 10:50:48

Реал Реалдыгын корсотту дагы бир жолу.Кросстон гол куткон элем красавчик!!!

KgEka

2017-02-16 12:41:55

Ronaldo.99,кантсе да Бавариядан чыкканда,)) Немецтер ушундай кутбогондой футбол коргозуп коюшат.))

Ronaldo.99

2017-02-16 13:05:59

KgEka,Ообада

-1

Taku.14.02

2017-02-16 11:05:03

коркпогула бабарияны атлетико ыргытат былтыркыдай

Nur1k

2017-02-16 11:35:08

Taku.14.02, Бавария ыргыгыдай ХХХ команда эмес. Немецтер ыргытып журбосун атлетикону?

Taku.14.02

2017-02-16 11:49:53

Nur1k,былтыр атлетико бабария барселонаны ыргыттыго хаха

Nur1k

2017-02-16 12:51:18

Taku.14.02, былжырабай жыл былтыркы. Топ тоголок болот суйру эмес тууган)

Taku.14.02

2017-02-16 17:01:22

Nur1k,акыл эсин жакшы элеби мен откон кеткенди далил менен айтып атам . Сага эчким суйру дей элек жакшылап окуп чык макул

azim14

2017-02-16 12:28:51

Реал уч гол мн эле чектелип калып жатат го

KgEka

2017-02-16 12:40:38

azim14,Реал Бавария эместа)))

Ronaldo.99

2017-02-16 13:35:14

Барсанын фанаттарыга дагы кыйын болду

Dante

2017-02-16 13:59:32

Реал алга

Higuain9009

2017-02-16 14:07:43

Реал Эми конокто 0:2 ойнойт же 0:1

kairatrma7

2017-02-16 14:21:38

конокто Наполи 2:3 Реал голдор Милик Гамшик Роналду Модрич Рамос

kanybek1986

2017-02-16 16:05:19

Туз эфир коро алган жокпуз эмнеге ктрк спорт жок баткенде

Dybala.

2017-02-16 17:43:32

Арсенал бир гол урду уюндо 4 гол сайса утуп кетет

-1

DE_BRUYNE17

2017-02-16 18:24:09

Алькантара мыкты ойноду, кантседа Барсадан чыкканда!
Каземиронун голу жынк болду .

NARYNGRAD

2017-02-16 21:18:21

Айттым беле Бавария Арсеналды далысына чейин айрыйт деп. Эмкиде Реалдыкын айрыйт.

VIP.kg.93

2017-02-17 09:54:33

Псж 4:0 Барселона

Rasul94

2017-02-17 22:43:14

толук кошулам.ренате санчеш заявкада жок беле корунбоду го

-1

Rasul94

2017-02-18 23:25:06

Барселона менен арсеналды сызып койо берсе болот эч кандай мумкунчулугу калбады

-1

Комментарий калтыруу үчүн өз ысымыңыз менен кириңиз же каттоодон өтүңүз.