СУПЕРСТАН: "Кол бербей учурашканым үчүн "немис" деп ат коюп алышкан"

СУПЕРСТАН: "Кол бербей учурашканым үчүн "немис" деп ат коюп алышкан"

SUPER.KG порталынын "Суперстан" бөлүмүндө "Кыз баланын кол бербей учурашканын кандай кабыл аласыздар?" деген тема талкууга алынууда.

Темадагы билдирүүлөрдөн:

"Жигитим "башка эркектер менен кол берип учурашасыңбы?" деп сурап калды. "Ооба" десем, "билесиңби, эркектин баары туалетке киргенде кантип сийерин? Сен анан ошол колун кармайсың, жадакалса мени менен дагы кол берип учурашпашың керек" дейт. Ошондон кийин ойлонуп калдым".

"Бул тууралуу мен эч ойлобогон экенмин, мага баары бир, кол берип учурашабы, башын ийкеп коёбу, бутун силкип коёбу, иши кылып салам берсе болду".

"Менин бир группалашым бар, кол эмес, шарт эле келип бетин тосот эле адамды уялтып".

"Жакын туугандар менен кол алышам же беттен өөп коёбуз. Группалаштарым менен баш ийкеп учурашчубуз, анткени бизде балдар кыздардан эки эсе көп болгон үчүн кол алышып учурашчу эмеспиз. Бирок ар кандай ситуация болуп калат, кээде балдар колун сунуп туруп калса айла жок кол бергенге да туура келет. Бирок кол бербей баш ийкеп учурашканга аракет кылам".

"Мен дагы кол берип учурашпайм. Кайын журтта "жапайы" деген атка конуп калыпмын".

"Мен тааныган адамдардын баары кол берип учурашышат, мен дагы кол сунганга берем, сунбаганга жок".

"Негизи жаш кезде кол берип эле учурашкан оң го. Кийин турмушка чыкканда баш ийкеп эле учурашса болот".

"Мен ошентип учурашканым үчүн "немис" деп ат коюп алышкан, баш ийкебей эле колумду көтөрүп коём Гитлерге окшоп, түшүнгөн адам эле аны туура кабыл албаса, башкалары анчейин түшүнбөйт же тоготпойт деген тыянак чыгарышат".

Талкууга кошулгуңуз келсе, бул жакка кириңиз.

Автор: Гулийпа Маметосмон кызы
Фото: Интернеттен алынган сүрөт

08:47 19-02-2017

РУБРИКАДАГЫ СОҢКУ КАБАРЛАР