Ош шаарында 8-март майрамынын урматына кыз-келиндер арасында спорттук мелдеш өткөрүлдү

Ош шаарында 8-Март майрамынын урматына аялдар арасында спорттук мелдеш өткөрүлдү. Бул тууралуу бүгүн, 8-мартта Ош шаардык мэриянын басма сөз кызматынан билдиришти.

Маалыматка ылайык, 8-Март - аялдардын эл аралык күнүнө карата аялдар арасында волейбол жана баскетбол мелдеши орун алды. Мелдешке мекеме-ишканалардын, күч курамдардын жана билим берүү, медицина ошондой эле коомдук уюмдарда эмгектенген кыз-келиндер катышышкан.

"Айымдардын майрамдык маанайын көтөрүү менен, сергек жашоого үндөө максатында спорттун волейбол жана баскетбол оюну боюнча мелдеш уюштурулду. Жыйынтыгында жеңүүчү аталган командаларга баалуу белектер тапшырылды", - деп билдирди басма сөз кызматы.

Автор: Акназар Сулайманкулов
Фото: Ош шаардык мэриянын басма сөз кызматы