Чемпиондор Лигасы: Англия чемпиону “Лестер” “Севильяны” кабыл алат, “Ювентус” “Порту” менен ойнойт

15-мартка караган түнү Чемпиондор Лигасынын жарым чейрек финалынын жооптук беттештери уланат. Анда Англия чемпиону өз үйүндө испандык “Севильяны” кабыл алат. Ал эми Турин шаарында жергиликтүү “Ювентус” португалиялык “Порту” менен күч сынашат.

"Лестер" (Англия) - "Севилья" (Испания)

Биринчи беттештин жыйынтыгы - 1:2

Стадион: Лестер шаары, "Кинг Пауэр” стадиону.

Калыс: Даниэло Орсато (Италия)

Башталышы: 01:45 (Бишкек сааты боюнча).

Өткөн сезондун башкы каарманы “Лестер” учурда сыноолорго туруштук берүү сынагынан өтүп жатат. Чемпион болдуңбу, демек, чемпиондорго болгон басымды сезе билүү керектигин “Лестер” футболчулары жон терилери менен сезип жаткан убагы. Февраль айынын соңунда жомокту уюштурган башкы машыктыруучу Клаудио Раньерини кызматтан бошотулган. Кызыгы, андан кийин “Лестер” упай топтоого белсенип, Англия премьер-лигасында 27-турдан кийин 15-орунда көтөрүлдү. “Севилья” менен конокто, татыктуу 1:2 эсебинде гана утулганга жол берди. Бул эсеп өз үйүндө ойногон “түлкүлөр” үчүн өтө кооптуу эмес. Анткени 1:0 эсебиндеги жеңиш “Лестерди” чейрек финалга алып барат. Бирок буга Хорхе Сампаоли баш болгон “Севилья” жөн жерден жол бербейт.

"Ювентус" (Италия) - "Порту" (Португалия)

Биринчи беттештин жыйынтыгы - 2:0

Стадион: Турин шаары, "Ювентус” стадиону.

Калыс: Овидиу Алин Хэцеган (Румыния)

Башталышы: 01:45 (Бишкек сааты боюнча).

Италиянын чемпиону “Ювентус” конокто “Портуну” 2:0 эсебинде жеңип, бир буту менен чейрек финалга кадам шилтеген. “Порту” үчүн Туринде 2 гол айырмачылыкты жоюу татаал иш болуусу айтпаса да белгилүү. Бирок, футболдо ири эсепте утулсаң да, бардыгы өз колуңда экендигин “Барселона” көрсөттү. Аталган оюн “Порту” футболчуларын шыктандырбай койбойт. Демек, Андре Силва баштаган “ажыдаарлар” чабуулга ыктап ойнойт. Буга Гонсало Игуаин менен Паоло Дибала кандай жооп берет болду экен..?

Автор: Адилет Керимбек уулу

11:13 14-03-2017

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (9)

Nurali_kg

2017-03-14 11:27:38

Лестер сити чемпион буюрса

-2

kilim

2017-03-14 12:07:02

Лестерде шанс бар 1/4финалга чыкканга

Ernest12

2017-03-14 13:40:30

Ювентус алга гансалестен гол кутом

Rasul94

2017-03-14 13:57:33

лестер менен Севильянын оюну кызыйт.а Ювентус уверен.жеке оюм

Azat.97

2017-03-14 15:47:36

Севилья менен Ювентус чыгат 1/4 ко

-1

Rasul94

2017-03-14 17:50:32

Azat.97,экоосунун бироосу чыгат экоо тен чыга албайт 1/4ко

Higuain9009

2017-03-14 17:03:56

Лестер2:0Севилья.Ювентус 4:1 Порту барибир Игуаин гол киргизет

elmurat.kg

2017-03-14 17:38:30

Higuain9009,кайсы 2-0 билбей жаза бербечи 2-1 болгон эгер севилья бир ничья оюнду бутурсо чыгат группадан

Kanybek121195

2017-03-14 17:29:18

Мен Лестерге болееть етчумун Раньерини иштен бошотуп жибергенден кийин аларга анча болееть етпей калдым.Лестердин президенти туура емес кылды.Мейли еми кантсе да лестерге ийгилик.

Комментарий калтыруу үчүн өз ысымыңыз менен кириңиз же каттоодон өтүңүз.