Чемпиондор Лигасы: “Лестер” жомогун улантат

15-мартка караган түнү Чемпиондор Лигасынын жарым чейрек финалынын жооптук беттештери уланды. Анда Англия чемпиону өз үйүндө испандык “Севильяны” кабыл алса, Турин шаарында жергиликтүү “Ювентус” португалиялык “Порту” менен күч сынашты.

"Лестер" (Англия) - "Севилья" (Испания) – 2:0

Биринчи беттештин жыйынтыгы - 1:2

Голдор: Морган (27-мүнөттө), Олбрайтон (54-мүнөттө)

“Лестер” жомогу. 2-серия. Англия чемпиондугун сенсациялуу түрдө жеңип алган “Лестердин” жомогу азырынча бүтө элек. Быйылкы сезондо ар түрдүү сыноолорго туш болуп жатса да, Чемпиондор Лигасында чейрек финалга бет алышты. “Севилья” менен болгон беттеште көпчүлүк испандык клубдун мүмкүнчүлүгү жогору деп ойлогон. “Лестер” “Кинг Пауэр” стадионунда өзгөчө футболду тартуулай ала турганын дагы бир ирет көргөздү. Аталган оюндун 1-таймында команда капитаны Уэс Морган эсепти ачты.

Испандык клуб чабуулга өтүп жатканы менен дарбазага таамай боло алышкан жок. 2-таймда Марк Олбрайтон эсепти 2:0 кылганга жетишти. 80-мүнөттө “Севилья” Витолонун жардамы менен пенальти тебүүгө мүмкүнчүлүк ала алды.

Бирок кезинде “МЮнун” айтылуу дарбазачысы Петер Шмейхелдин уулу Каспер Нзонзинин соккусун тосту. “Түлкүлөр” сенсация жаратуудан тажаша элек. "Лестер" чейрек финалда.

"Ювентус" (Италия) - "Порту" (Португалия) – 1:0

Биринчи беттештин жыйынтыгы - 2:0

Гол: Дибала (42-мүнөттө)

Италиянын чемпиону “Ювентус” өз үйүндө “Португа” бир дагы мүмкүнчүлүк берген жок. Конокто 2:0 эсебинде жеңип келген туриндиктер өздөрүнө ишенип, оюн алып барды. Анын жыйынтыгында Игуаиндин соккусун колу менен тоскон Макси Перрейра кызыл кагаз менен кошо пенальти алып келди. Паоло Дибала айып соккудан таамай болду. Калган мүнөттөрдө эсеп саны өзгөргөн жок.

Автор: Адилет Керимбек уулу

10:32 15-03-2017

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 335 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 235 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 174 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 258 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 752 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 351 0

Архив

Комментарийлер (13)

Manutd.kg

2017-03-15 10:36:11

Былтыр АПЛда жомокту уланты эле,
Эми ЛЧдо уланышы мумкунбу аа, 1/4 то Лестер учун бардыгы кыйын болот деп жатат. Бирок футболдо ар нерсе болуп кетиши мумкун.

kilim

2017-03-15 10:41:17

Ииии бетим Севилья

-1

Ronaldo.99

2017-03-15 10:47:15

Лестер молодцы!

Dybala.

2017-03-15 10:55:30

Севильяга 3 жыл ото зор жыл болду быйыл болбой калды го англия чемпиону менен Европа чемпионун ыргыттыго

Aduk_aksuu

2017-03-15 11:06:46

Лестер чемпиондор лигасын утса ажеб эмес. Лестердин колунан келе турган иш

Zynk.kg

2017-03-15 11:27:59

Лестер чемпион болсо жакшы эле дагы бир жолу дуйно жузуно акча коп нерсени чечпесин далилдемек.

Lion.

2017-03-15 12:00:09

Лестер эми точно ыргыйт
1/4кө жалан танкалар отту

Higuain9009

2017-03-15 13:10:20

Lion.,досум топ тоголок балким 1/2 финалга чейин да барышы мумкун

Rasul94

2017-03-15 15:45:44

Lion.,эн туура.менин оюм да ошондой

Rasul94

2017-03-15 15:41:30

дибала касильясты катуу алдады.алга Ювентус

Ernest12

2017-03-15 16:27:05

Реал чемпион болотко быйылда

-2

Kanybek121195

2017-03-15 18:22:18

Лестерге болееть еттим еле молодцы. Еми мындан кийин кыйын болот бул жакта.Бирок бир пешенеси болуп Ман-ситиге тушуп калса катуу аракет кылып 1/4 ко чейин жетсе Лестер учун чон жетишкендик. Анан Аллах насип кылып быйылда Реал чемпион болуп калса.

Rasul94

2017-03-15 20:00:38

Kanybek121195,менимче лестерге эч нерсе калбады уже.

Комментарий калтыруу үчүн өз ысымыңыз менен кириңиз же каттоодон өтүңүз.