Тактала элек маалыматтарга караганда, Чүй облусунда кулап түшкөн учак Транзиттик ташуу борборуна караштуу

Кыргызстан менен Казакстандын чек арасына жакын жайгашкан Чалдыбар айылынын аймагына учак кулады. Бул тууралуу бүгүн, 3-майда ӨКМнын өкүлү билдирди. Анын айтымында, окуя болгон жерге куткаруучулар жөнөтүлдү. “Алдын ала маалыматтарга караганда, учак Транзиттик ташуу борборуна караштуу. Жабыркагандар тууралуу учурда маалымат түшө элек”,- деп айтты ӨКМнын өкүлү.

Ал эми Транзиттик ташуу борборунун басма сөз катчысы Акжибек Бейшебаева билдиргендей, учурда бул маалымат текшерилүүдө.

Болжол түрүндө кулап түшкөн учак - май куюучу KC-135 Stratotanker деп айтылууда.

Автор: Мээрим Жеңишбек кызы