Көк-бөрүнү көрүү үчүн күйөрмандардын темир аркага чыкканы боюнча милиция билдирүү таратты

21-мартта Бишкектеги "Аккула" ат майданында көк бөрү оюнун көрүү үчүн күйөрмандардын темир аркага чыкканы боюнча кызматтык иликтөө жүрүүдө. Бул тууралуу Бишкек ШИИББинин басма сөз кызматы билдирди.

"Аккуланын" аянты 57,4 гектар жана 3-4,5 миң адамга ылайыкталган. Бул ат майдан учурда көрүүчүлөрдүн коопсуздугунун талаптарына жооп бербейт. Бул тууралуу акыркы 5-6 жыл ичинде "Аккуланын" жетекчилигине айтылып келген. Ат майдандын аймагы бийик эмес тосмо менен тосулган. Бирок уюштуруучуларга баары бир экен. Белгилей кетсек, күйөрмандарды ат майданга өткөрүү жана билеттерди текшерүү милдети Көк-бөрү федерациясынын моюнунда", - деп айтылат билдирүүдө.

Ага ылайык, шаардык милиция кызматкерлери Нооруз майрамы күнү Бишкектин бир топ аймактарында коомдук тартипти камсыз кылышкан. "Көк-бөрү оюнунун жүрүшүндө бир да кылмыш, бир да мушташ катталган жок. Бул иш-чараны өткөрүүдө бир гана уюштуруучулардын начар иштегенин эмес, жарандардын жана шаардын конокторунун адепсиздигин да баса белгилеш керек. Алар милиция кызматкерлеринин эскертүүлөрүнө карабай адепсиз иш-аракеттерди жасашкан. Буга карабастан учурда ИИМдин Ички коопсуздук кызматы майрам күнү иштеген милиция бөлүмүнүн башчыларынын үстүнөн кызматтык иликтөө жүргүзүүдө", - дешти Бишкек ШИИББинен.

Айта кетсек, 21-мартта аталган ат майданда адамдардын саны абдан көп болгон. Ал жакта жалгыз гана Бишкек шаарынын тургундары эмес, атайын оюнду көрөбүз деп өлкөнүн бардык аймактарынан келген адамдар да болгон. Болжол менен ат майдандагы көрүүчүлөрдүн саны 23 миңге жакын болгону айтылган. Көк бөрү боюнча мелдештин финалы өтүп жатканда айрым көрүүчүлөр майданга чейин чыгып жатышкан. Улакчылар атты башкара албай адамдарды тебелетип кетиши толук мүмкүн болгон абал түзүлгөн.

Автор: Нургазы Аматов
Фото: Бекжан Рыскулов

08:49 24-03-2017

Жазылуу

РУБРИКАДАГЫ СОҢКУ КАБАРЛАР

15:56 2025-06-23 | Түркүн дүйнө

ФИФА расизмге каршы жаңы эреже киргизди 49 0

15:40 2025-06-23 | Коом жана турмуш

Өзбекстандан Тамчыга учак каттай баштады 157 0

15:11 2025-06-23 | Коом жана турмуш

Кыргызстанда бир жумада 271 мас айдоочу аныкталды 137 0

15:05 2025-06-23 | Түркүн дүйнө

Астанада кыз менен анын инисин бычактап салууга шектүү жигит кармалды 344 0

15:01 2025-06-23 | СОТТУК ИШТЕР

MCN Coin иши менен камалган Юруслан Тойчубеков бошотулганы белгилүү болду 352 0

14:56 2025-06-23 | Кылмыштар, кырсыктар

17 жаштагы кыздын кулагына таракан кирип кеткен 435 0

Архив

Комментарийлер (17)

ekaterinburg

2017-03-24 09:27:52

Чындыгында адепсиздик!Эч нерсе корбогондойбуз!Мал айдагандай эле айдоо керек озу адепсиздерди.Бироо чыкса аркага,баары чыгып алышат.Эч ким чыкпаса чыкпайт.Тообо...

kechirmeni

2017-03-24 09:32:04

ekaterinburg,Эл деген эл экен тыя албайт экенсин. Эгер жакшы шарт тузгондо аркага жакындабайт да болчу

kechirmeni

2017-03-24 09:29:54

Мен ат майданын коро элекмин го бирок арканы мыкты жасаган экен. Эгер бошураак жасаганда ошончо адамды которо албай элге зыяны тийиши толук мумкун эле

talant87

2017-03-24 09:42:10

биринчи ошол чыкан адамдар озунун коопсуздугун ойлогон экинчиден куйормандарга шар жок ошол ишке барган сонун олтургуч болсо ошол жерге чыкпайт беле

BarsBaatyr

2017-03-24 10:06:08

Малдан айырмабыз калбай баратат.Кимдир бирөөлөр Кыргызстанды жакшы жактары менен дүйнөгө таанытса,ошол эле мезгилде кимдир бирөөлөр адепсиздик жагы менен дүйнөгө шылдын кылып жатышат.

iskak86

2017-03-24 18:41:36

BarsBaatyr,сен малдан кетпей шарт кылып кой ушунчалык акылдуу екенсин

makesh1992

2017-03-24 11:11:08

Ажо малсынар десе окшоп кеттикби деймда

Kroxa

2017-03-25 22:37:26

makesh1992,айтпа,ушундайыбыздан айтып атат да.. ипподром салып берсе да жакпайт..

modem4999

2017-03-24 11:47:06

Соз жок , уят эле,каргадай болуп тизилип алышканын,тартип сактоочулар кайда журушкон?

Bubu88

2017-03-24 12:13:04

Чет мамлекеттерде деле ашынган фанаттар бар бирок мынчалыка барышпайт бизде жалаң өздөрүн көрсөткөндөр мына мен кыйынмын мени кара дешет

sarento

2017-03-24 13:22:51

Кыргыздарда маданият деген нерсе жок, артта калганбыз.

Baktiiar1995

2017-03-24 15:32:00

Биз кыргызбыз туугандар. Баары бир өз оюнубузду сүйөт экенбиз. Мен мынча көп адамды фудболго же ушул сыяктуу башка оюндарга барганын көрө да, уга да элек элем. Жакшы шарт болуп, көрүүчүлөр фудболдогудай фанат болуп бергенде. "Көк бөөрү" бир топ абройлуу болуп калмак экен. Аттиң шарттын жоктугу.

tynara81

2017-03-24 15:34:13

Көргүсү келип, атайын алыстан келишсе эмне кылышсын анан. 3-4 миң адам батчу ат майданга 23 миң киши батпайт да. Ат майданды кеңейтиш керек экен.

pixduel1

2017-03-24 15:49:16

Места жок болгон чакта деле оздорун адептуу алып журсо болот! Отурган жерине мусорун таштабай, аран турган отургучтарды сындырып биротоло жок кылып кетпей! Кыргызстандын коп нерсеге шарты жок экенин эми билип жатышабы? Милицияны да менсинбейт! Жогорудагылар дебей эле койгула ( оздорун чиновник сезгендерди) бироонун бети чымырабайт! Элдин каршышы тиет го ...

jengoo

2017-03-24 16:17:21

57 гектар чыгабы озу.

KyrgyzKagan

2017-03-25 10:52:06

jengoo,Менда оюнду коруп 57 гектар чыкпайтго деп ойлодум. 5,7 гектар болушу мумкун. 57гектар болушу учун узуну 1км ээни 570метр болуш керек.

KyrgyzKagan

2017-03-25 10:58:13

Бугунку кундо олкого чон 5-6мин эл батчу концерттик зал, чон стадион 40-50мин батчу, анан бир чон ипподром 40-50мин адам батчу ото керек болуп жатат. Чындыгында шарт жок. Чон ипподром куруп 100-200сомдон билет сатса эл алат болчу. Улуттук оюн болгон Кок боруда онукмок.

Комментарий калтыруу үчүн өз ысымыңыз менен кириңиз же каттоодон өтүңүз.