Ашхабад шаарында өткөн кикбокс боюнча чемпионатта Кыргыз спортчулары 8 алтын, 11 күмүш медалга ээ болушту

24-апрелден 30-апрелге чейин Түркмөнстандын Ашхабад шаарында өткөн кикбокс боюнча чемпионатта Кыргыз спортчулары байгелүү кайтышты. Бул тууралуу спортчу Куан Абдраимов бүгүн, 3-апрелде SUPER.KG порталына кабарлады.

Жалпысынан турнирге он жети өлкө катышса, Кыргыз үчүнчү орунга ээ болгон.

"Түркмөнстан мамлекети 1-орунду, ал эми Иран мамлекети 2-орунга татыктуу болушту. Үчүнчү орунду биздин өлкө алды. Кыргыз спортчулары кикбокс боюнча мелдеште 8 алтын, 11 күмүш медаль менен кайттык. Жеңишке жетишкен мамлекеттер ушул эле жылдын 17-сентябрында Ашхабад шаарында боло турган турнирге жолдомо алдык", - деди Куан Абдраимов.

Ошондой эле спортчу ушул жылы 24-октябрда Бразилияда өтүүчү дүйнөлүк турнирге да катышарын кошумчалады.

Алтын медалдардын ээлери:

1. Бактыгүл Абдысаламова (48 килограмм);
2. Шерзод Кубатов (54 килограмм);
3. Муса Паншаров (54 килограмм);
4. Авазбек Аманбеков (57 килограмм);
5. Чыңгыз Бегматов (57 килограмм);
6. Рахимжон Саидислам уулу (60 килограмм);
7. Рустам Ибрагимов 2 алтын медалдын ээси (60 килограмм).

Күмүш медалдардын ээлери:

1. Икбол Фазулжан уулу (63 килограмм);
2. Айбек Дүйшембиев (67 килограмм);
3. Келечек Орозбек уулу (75 килограмм);
4. Мурадыл Кочкоров 2 күмүш медалдын ээси (81 килограмм);
5. Талас Нуралиев 2 күмүш медалдын ээси (91 килограмм);
6. Акрам Баратов 2 күмүш медалдын ээси (51 килограмм);
7. Муса Паншаров (54 килограмм);
8. Куан Абдраимов (91 килограмм).

Автор: Айжан Кадырова
Фото: Куан Абдыраимов