Бишкек шаарында Жеңиш күнүнө карата көк бөрү боюнча турнир өтүп жатат

Бүгүн, 3-май күнү Бишкек шаарындагы "Аккула" ат майданында 9-Май - Жеңиш күнүнө карата көк бөрү боюнча турнир өтүп жатат. Бул тууралуу көк бөрү федерациясы билдирди.

Федерциянын айтымы боюнча, мелдеш Жеңиш күнүнө карата уюштурулуп азырынча тайпалык баскычтар өтүп жатат. Анда 11 команда 4 тайпага бөлүнгөн.

Биринчи турдун алкагында, "А" тайпасынын алгачкы оюнунда, Ош шаарынан келген "Достук" командасы "Көк-Жал" менен оюн жүргүзүп 16:2 ири эсебинде жеңишке жетти.

"Биримдик Аю" командасы "D" тайпадa ойноп "Аффият" командасын 27:3 эсебинде жеңди. Бул жеңиш "Биримдик Аю" командасына жарым финалга ойногонго мүмкүнчүлүк берди.

Тайпалык беттеш бүткөн соң, тайпасында 1-орун алган командалар жарым финалга чыгат.

Финалдык беттештер 9-май күнү өтөт.

1-турдун жыйынтыгы:

"Көк-Жал" 2:16 «Достук» "Төш-Булак" 3:22 "Ынтымак" "Ак-Суу" 1:6 "Бөрүлү" "Аффият" 3:27 "Биримдик Аю"

Эске салсак, турнирдин "А" тайпасында "Көк-Жал", "Кара-Балта", "Достук" командалары;

"B" тайпасында: "Төш-Булак", "Мурас", "Ынтымак" командалары;

"C" тайпасында "Ак-Суу", "Арашан", "Бөрүлү" командалары;

"D" тайпасында "Аффият", "Биримдик Аю" командалары жайгашкан.

Автор: Нурсултан Нурболот уулу