ЖЫЛНААМА, 4-МАЙ: Белгилүү спортчу Айсулуу Тыныбекова 24 жашка толду

"Супер-Инфо" гезитинин сурамжылоосу боюнча "Жылдын супер спортчусу-2014" наамынын ээси, бир канча ири мелдештерде ийгилик жараткан спортчу Айсулуу Тыныбекова 24 жашка толду. Ал 1993-жылы 4-майда Жалал-Абад облусуна караштуу Майлуу-Суу шаарында туулган. Ата-энеси медицина кызматкерлери. Үй-бүлөдө 2 эжеси, 1 агасы, 1 иниси бар. 9-класста окуп жүргөндө Кочкордо таэквондо менен машыга баштаган. Кийин 10-классты бүткөндө күрөш менен машыга баштаган.

Жетишкендиктери: Азия чемпиондугунда коло медаль (2009-2011-жылдар), Жаштар арасындагы Азия чемпиондугунда (2013-жыл), Дүйнөлүк Универсиада оюндарында 3-орун (2013-жыл), "Супер спортчу-2013", Азия чемпиондугунда күмүш медаль (2014), "Инчхон-2014" оюндарында коло медаль, "New-York Open" гран-присинин жеӊүүчүсү, "Супер спортчу-2014". Рио-де-Жанейродогу жайкы олимпиада оюндарынын катышуучусу.

4-майга карата жылнаама.

Автор: Айпери Ганыжан кызы