"Кудайберген" базарынын жанында окуучуну сүзүп кеткен айдоочу: "Досторум менен спирт ичимдигин ичип, аларды жеткирип бара жаткам"

Бишкектеги "Кудайберген" базарынын жанында окуучуну сүзүп кеткен айдоочу мас абалда болгон. Бул тууралуу бүгүн, 11-майда Бишкек шаардык ички иштер башкы башкармалыгынан билдиришти.

Маалыматка караганда, жол кырсыгы болгон учурда унаанын ичинде айдоочудан сырткары дагы эки адам болгон.

"Айдоочунун айтымында, ошол күнү достору менен спирт ичимдигин ичишип, аларды жеткирип бара жаткан. Окуучунун жолго кандайча чыгып кеткенин байкабай калган. Коркконунан кырсык болгон жерден качып кетип, тааныш аялдын үйүнө алып барып, унаасын жашырып койгон", - деп билдиришти Бишкек ШИИББинен.

Ошондой эле айдоочу кылмыш изин жашыруу үчүн унаанын крылосун, бамперин, фарасын чыгарып катып койгон.

Бишкек ШИИББинин Патрулдук милиция башкармалыгынын басма сөз катчысы Таалай Бугубаевдин айтымында, сүзүлгөн окуучуну каршы тилкеде келе жаткан Субару Форестер үлгүсүндөгү унаа тебелеп кеткен. Азыркы тапта ал боюнча да тиешелүү экспертизалар дайындалып, тергөө амалдары жүрүүдө.

Айта кетсек, жол кырсыгы 10-май күнү саат 22:00 чамасында Патрис Лумумба көчөсү тараптагы "Кудайберген" базарынын жанында болгон. Анда ак түстөгү Мерседес Бенц үлгүсүндөгү унаанын айдоочусу 15 жаштагы баланы сүзүп, кырсык болгон жерден из жашырган. Жабырлануучу алган жаракатынан улам ооруканада жан берген. Бүгүн, 11-майда окуучунун өлүмүнө себепчи болгон айдоочу кармалган.

Автор: Бекжан Рыскулов
Фото: Бишкек ШИИББ

20:22 11-05-2017

Жазылуу

РУБРИКАДАГЫ СОҢКУ КАБАРЛАР

18:11 2025-06-22 | Түркүн дүйнө

Иран Израилге болгон чабуулда жаңы "Хайбар" ракеталарын биринчи жолу колдонду 2474 0

17:48 2025-06-22 | Коом жана турмуш

Добуш берсе болот... Кыргызстан абройлуу эл аралык туризм сыйлыгынын тизмесине кирди 701 0

17:04 2025-06-22 | Коом жана турмуш

Шашылыш билдирүү! Бишкекте жана Чүй облусунда катуу шамал болот 595 0

16:31 2025-06-22 | Коом жана турмуш

Сырты да тиешелүү... Ташиев Ысык-Көлдөгү пансионаттардын ээлерине тапшырма берди (видео) 1132 0

15:44 2025-06-22 | Түркүн дүйнө

Иранга болгон сокку... Йемен Кызыл деңиздеги америкалык аскерлерге чабуул коюуга даярданууда 3438 0

15:12 2025-06-22 | Түркүн дүйнө

Ак үй АКШнын Иранга сокку уруусун байкап отургандардын кадрларын жарыялады 2730 0

Архив

Комментарийлер (7)

RusMos76

2017-05-11 20:30:05

ХХХ олуп баратсан да рульга отурбай ичпесинби!

Kroxa

2017-05-11 20:45:55

Тебелеп кеткени жаман болуптур..

Izdeim_seni.

2017-05-11 21:00:28

Азыр мас болуп айдагандар толуп кетти тезинен катуу чара коруш керек

ekaterinburg

2017-05-11 22:54:28

Пьяный водитель-преступник!

admin_portal

2017-05-12 09:42:16

ekaterinburg, портал кыргыз тилинде болгондуктан, кыргызча жазууну сунуштайм.

-1

aibars

2017-05-12 00:21:34

Жапжаш кеткен экен;(( Аллах бейишине алсын.
Тебелеп кеткенде мин корксода биринчи жардам кылыш керекда. Бул жашоонун жазасынан качып кутулсада Жараткандын жазасы бар.

Diaza

2017-05-12 01:16:51

Ай ай ай,журогум ооруп кетти.Менинда балам ушул жолдон отот.Биздин чондор балдар окуган мектептин жанына жол чырак койсо болмок.Аябай аянычтуу ата энесине сабыр берсин.

Комментарий калтыруу үчүн өз ысымыңыз менен кириңиз же каттоодон өтүңүз.