Футбол боюнча Кыргыз кыз-келиндер курама командасы жолдоштук беттеште Казакстанды 2:1 эсебинде жеңди

Машыгуу учурунан. (архивдик фото)

10-май күнү Тараз шаарынын Борбордук майданында футбол боюнча Кыргыз-Казак жолдоштук беттеши орун алды. Беттештин жыйынтыгында 19 жаш курактагы Кыргыз кыз-келиндер 2:1 эсебинде Казакстан командасын жеңди. Бул тууралуу футбол федерациясынан билдирди.

Ийгилик алып келген 2 голду Виктория Далингер жана Кенжебүбү Ырысбек кызы жаратып Кыргыз курама командасына жеңишке алып жеткизди.

Маалымдай кетсек, эми Кыргыз кыз-келиндер курама командасы Кант шаарында 16-20-май аралыгында Тажикстан курамасы менен 4 беттеш өткөрөт.

Автор: Нурсултан Нурболот уулу