«Монако» футбол клубу 17 жылдан кийин кайрадан Франция чемпиондугун багынтты

18-майга караган түнү “Монако” футбол клубу Франция чемпиондугунда “Сент-Этьен” командасын 2:0 эсебинде жеңип, өлкө чемпиону аталды. Бул тууралуу чет элдик басылмалар кабарлайт.

Маалым болгондой, чемпиондук бүтөрүнө 1 тур калганда Леонарду Жардимдин командасы 92 упай топтоп, 1-орунду камсыздады. Муну менен клуб өз тарыхында 8-жолу чемпион аталып отурат.

Белгилей кетсек, “Монако” быйылкы жылы Чемпиондор Лигасынын жарым финалына чейин жеткен.

Франция чемпиондугун акыркы төрт жыл катары менен “Пари Сен-Жермен” багынтып келген. Быйылкы жылы Кавани жана анын командасы 86 упай менен 2-орунда калды.

Автор: Адилет Керимбек уулу
Фото: Интернеттен алынды