Футзал боюнча Кыргыз жаштар курама командасы Азия чемпиондугунда Бириккен Араб Эмираттарынын курамына 3:4 эсебинде жеңилди

Таиланддын Бангкок шаарында өтүп жаткан 20 жашка чейинкилер арасындагы футзал боюнча Азия чемпиондугунда Кыргыз өлкөсүнүн футзалчылары бүгүн, 19-майда өз тайпасында Бириккен Араб Эмираттары менен беттешти. Оюндун алгачкы мүнөттөрүндө жаш спортчуларыбыз атаандаштарына бир нече кооптуу абал жаратып, 1 гол киргизгенге үлгүрдү. БАЭнин футзалчылары 1-таймдын аягында 2 гол менен жооп кайтарды. 2-таймдын башында Кыргыз курамы эсепти теңдей алды. Бирок оюндун жүрүшүндө БАЭ командасы эсепти 3:2 кылды.

Кыргыз курамы Мирлан Жолдубаевдин голу менен эсепти кайрадан теңдегенге үлгүрдү. Оюндун акыркы мүнөтүндө БАЭ курамасы эсепти 3:4 кылып, жеңишке жетти. Бул жыйынтык менен Кыргыз курама командасы 2 упай топтоп азырынча турнирдик тизмеде 4-орунда турат.

Автор: Нурсултан Нурболот уулу