ЖЫЛНААМА, 19-МАЙ: Орусиялык алып баруучу жана актриса Лера Кудрявцева 46 жашка толду

Алып баруучу азыркы жолдошу Игорь Макаров менен

Орусиялык алып баруучу жана актриса Лера Кудрявцева (өз аты-жөнү Валерия Кудрявцева) бүгүн, 19-майда 46 жашка толду. Ал Казакстандын Усть-Каменогорск шаарында туулган. Ал ГИТИСти аяктаган. Теледе 1995-жылдан тартып иштеп, Муз-ТВ, ТНТ, ТВ-6 каналдарында "Партийная зона", "Музобоз", "Испытание верности" жана башка берүүлөрүн алып барган.

Жеке жашоосу:

Лера Кудрявцева 1990-жылы "Ласковый май" тобунун музыканты Сергей Ленюкка турмушка чыгып, андан уул төрөгөн. Бирок көп өтпөй ажырашып кетишкен. Экинчи ирет 2004-жылы Матвей Морозов аттуу ишкерге турмушка чыгып, бирок бул ирет да анын үй-бүлөлүк бактысы көпкө узаган эмес.

2013-жылы хоккейчи Игорь Макаров аттуу жигитке турмушка чыккан.

19-майдын жылнаамасы.

Автор: Турсунай Алымкулова
Фото: Интернеттен алынган