Кыргыз футболчусу Валерий Кичиндин командасы Орусия биринчилигинин “Премьер-Лигасына” чыкканга аракет кылат

Футбол боюнча Кыргыз өлкөсүнүн улуттук курама командасынын коргоочусу Валерий Кичин “Енисей” клубунда ойноп, Орусиянын Улуттук футболдук Лигасында 3-орунду ээледи.

Улуттук лиганын 38-турунда Енисей командасы “Нефтехимик” менен беттешип 2:0 эсебинде жеңишке жеткен. Бул жеңиш менен Кичиндин командасы 63 упай топтоп турнирдик таблицада 3-орунду ээледи. Эми “Енисей” командасы Орусия биринчилиги “Премьер-Лигага” чыгуу үчүн плей-офф беттештерди өткөрөт. Плей-офф баскычында "Енисей" “Арсенал Тула” командасы менен ойнойт.

Кичин “Енисей” клубунда негизги курамда ойногон футболчу болуп эсептелинет.

Автор: Нурсултан Нурболот уулу