Бишкекте волейбол боюнча Дүйнөлүк чемпиондукка тандап алуу оюндары өтөт

Бишкек шаарында 26-28-май аралыгында волейбол боюнча Дүйнө чемпиондугуна тандап алуунун 2-этабы өтөт. Бул тууралуу Волейбол федерациясы билдирет.

Анда Кыргыз спортчулары Казакстан жана Пакистан командалары менен күч сынашат. Жеңүүчү аталган команда тандап алуу оюндарынын финалдык баскычына өтөт. Финалда жеңип алган команда 2018-жылы Италия жана Болгарияда өтө турган Дүйнө чемпиондугуна катышууга мүмкүнчүлүк алат.

Эскерте кетсек, волейбол боюнча Кыргыз улуттук курама командасы 2016-жылы Чолпон-Ата шаарында өткөн Дүйнө чемпиондугуна тандап алуунун 1-этабында Бангладеш жана Мальдив аралдары менен беттешип жеңишке жеткен.

Кошумчалай кетсек, улуттук курама команда март айында Мальдив аралында өткөн Азия чемпиондугун жеңип, алтын медалдарды тагынышкан.

Автор: Нурсултан Нурболот уулу
Фото: Интернеттен алынды