ЖЫЛНААМА, 21-ИЮНЬ: Дүйнөдө скейтбордчулардын эл аралык күнү белгиленет

Бүгүн, 21-июнда дүйнө жүзү боюнча расмий түрдө скейтбордчулардын эл аралык күнү белгиленет.

Скейтборд англис тилиндеги "skateboarding" сөзүнөн алынган, скейтбординг - ролиги бар тактаны тебүү. Скейтбординг менен алектенген адамды скейтбордист же скейтер деп аташат. Бүгүнкү күндө скейтборд тебүү дүйнө жүзү боюнча популярдуу. Ал эми ар кандай трюктарды камтыган скейтбординг спорттун экстремалдуу түрлөрүнө кирет.

Майрам 2004-жылдан бери белгиленип келет. Бул демилгени америкалык скейтбордисттер сунушташкан. Скейтборд индустриясындагы Скейтборд компанияларынын эл аралык ассоциациясы 21-июнду Скейтбординг күнү деп жарыялашкан. Ошондон бери жыл сайын бул күнү скейтерлер көчөгө жүрүшкө чыгышат. Скейтборд алгач 1958-жылы АКШда жасалган.

21-июндун жылнаамасы.

Автор: Турсунай Алымкулова