Бишкекте 53 жаштагы киши изделүүдө. Ал Аламүдүн базарына кеткен бойдон үйүнө кайткан эмес

Бишкекте 53 жаштагы Асан Кошмуратов аттуу жаран дайынсыз жоголуп, изделүүдө. Свердлов РИИБинен билдиришкендей, Бишкектин четиндеги Ак-Жар конушунда жашаган Кошмуратов 14-май күнү Аламүдүн базарында болуп, ошол бойдон үйүнө кайрылып келген эмес.

Өзгөчө белгилери: бою 165-170 сантиметр, бубак баскан кыска чач, кара көз. Башына калпак, үстүнө ак ала жемпир, астына кара шым, бутуна туфли кийип алган.

Эгерде көргөн-билгендер болсо, Свердлов РИИБинин 0550 102-872; 0772 18-09-45 номурлары аркылуу кабарлап койсоңуздар болот.

Автор: Жамалидин Парманкулов