Америкалык түгөйлөр Бейонсе менен Jay-Z эгиз наристелерине өздөрүнүн аттарына окшош ысым ыйгарышты

Бейонсе улуу кызы Блу Айви менен

Бейонсе жана Jay-Z

Бейонсе кош бойлуу кезинде

Америкалык белгилүү түгөйлөр Бейонсе менен Jay-Z жаңы төрөлгөн эгиз наристелерине өздөрүнүн аттарына окшош ысым ыйгарышты. Тактап айтканда, уулуна Шон (Jay-Z нин өз аты), ирландиялыктардын тилинен которгондо “Кудайдын ырайымдуулугу” дегенди түшүндүрсө, кызына Бейонсе ысымынын кыскартылганы, “Бакыт алып келүүчү” дегенди билдирген Беа деген ат коюшту.

Бейонсе эгиздерди 12-июнь күнү убагынан эрте төрөгөн. Төрөт оор жүрүп, наристелер сары оорусунун жеңил түрү менен жабыркагандыгы маалым болгон. Мындан улам эне-балдар көбүрөөк убакыт төрөтканада болуп, кечээ, 25-июнда үйүнө чыгышкан.

Бирок бул тууралуу ырчы өзү да, жолдошу да расмий билдирүү тарата элек. Чет элдик маалымат каражаттары жазгандай, алардын жашоосундагы жаңылыктарды түгөйлөрдүн жакындары маалымдашууда.

Jay-Z менен Бейонсенин эгиздерден сырткары, 2012-жылы туулган Блу Айви аттуу кызы бар.

Автор: Наргиза Талантбекова
Фото: Интернеттен алынган