Өзгөн районунун тургуну ок атуучу курал менен кармалды

Өлкө аймагында мыйзамсыз курал сактагандар кармалып, кылмыш иши козголду. Мындай маалыматты бүгүн, 28-июнда Ички иштер министрлигинин басма сөз кызматынан билдиришти.

Маалыматка ылайык, иликтөө иштеринин жүрүшүндө 29 жаштагы Ош шаарынын тургуну кармалып, Калашников автоматы 4 огу менен алынган. Ошондой эле Өзгөн районунун 23 жаштагы жашоочусу 7 огу менен тапанча алып жүргөн жеринен кармалган.

"Милиция кызматкерлери Таш-Көмүр шаарында жергиликтүү жашоочунун үйүнөн ок атуучу курал табышкан. Мындан сырткары өлкө аймагында өз ыктыяры менен курал тапшырган 8 факты катталган. Ок атуучу куралдарды ок дарылары менен мыйзамсыз сактоо фактысы боюнча кылмыш иши козголду", - деп билдирди басма сөз кызматы

Автор: Акназар Сулайманкулов
Фото: Интернеттен алынды