Сотто прокурор Руслан Абдырахманов менен Нарынбек Идинов кайым айтышты

Бүгүн, 29-июнда Бишкектин Октябрь райондук сотунда "Заноза" сайтындагы Алмазбек Атамбаевдин абройуна шек келтирди деген макаланын авторуна байланышкан прокуратуранын доо арызы каралып жатат.
Журналист Нарынбек Идиновдун эртең менен башталган соттук ишин саат 13:00дө башка судья улантты. Себеби Идиновдун Атамбаевге байланыштуу жазган 5 макаласы боюнча ар башка судьялар төрагалык кылып жатышат.
Бул отурумда мамлекеттик айыптоочу Абдырахманов мамлекеттик соттук экспертизанын корутундусун судьяга ишке тиркеп коюусу үчүн берди. Идиновдун жактоочулары бул корутундуну бүгүн биринчи жолу көрүп жатышканын таанышуу үчүн убакыт сурашты. Судья 6 беттен турган корутунду менен жактоочулар таанышып чыгуу үчүн 20 мүнөткө тыныгуу жарыялады.

Судья 20 мүнөткө тыныгуу жарыялап чыгып кеткен маалда прокурор менен Нарынбек Идинов кайым айтыша кетишти. Идинов прокурордун берген корутундусунда тексттин тамгалары көрүнбөгөнүн айтып нааразыланса, прокурор "керек болсо мен силерге муну бербей койсом да болмок, көчүрмөсүн чыгарарда ушундай болсо эмне кылайын?" - деп кыйкырды.

Соттук отурум соңуна чыкты, катчы отурум эртең, 30-июнда уланарын кабарлады.