ЖЫЛНААМА, 10-ИЮЛЬ: Акын, саясий ишмер Эгемберди Эрматовдун көзү тирүү болгондо 66 жашка толмок

Акын, драматург, журналист, саясий ишмер Эгемберди Эрматовдун көзү тирүү болгондо 66 жашка толмок. Ал 1951-жылы 10-июлда Кадамжай районундагы Пум айылында туулган.

Москвадагы М.Горький атындагы Адабият институтун бүтүргөн. Эгемберди Эрматов 2003-жылы Кыргыз маданиятына эмгек сиңирген ишмер, 2010-жылы Кыргыз Эл акыны наамдарын алган.

Акындын обонго салынган ырлары - “Гүлдөй жан”, “Дасторкон”, “Биздин жолдор эки айрылыш”, ”Махабат жөнүндө баллада” жана башка.

Ал 2010-жылы Жогорку Кеңештин депутаты болгон. 2013-жылдан 2016-жылдын аягына чейин КРнын президентине караштуу Мамлекеттик тил боюнча улуттук комиссиясынын төрагасы болуп эмгектенген. 2017-жылдын январь айында оорудан улам каза болгон.

10-июлга карата жылнаама.

Автор: Айпери Ганыжан кызы