ЖЫЛНААМА, 13-ИЮЛЬ: 87 жыл мурун Уругвайда футбол боюнча алгачкы Дүйнө чемпиондугу старт алган

Уругвай курама командасы жеңишти белгилеп жаткан кез

Алгачкы голду киргизген Люсьен Лоран

Уругвайдын Монтевидео шаарында 1930-жылы 13-июлда футбол боюнча алгачкы Дүйнө чемпиондугу орун алган.

Ага Түштүк Америкадан 7 өлкө, Европа аймагынан 4 өлкө, Түндүк Америкадан 2 өлкө келип катышкан. Дүйнө чемпиондугунун алгачкы эки беттеши бир убакытта башталган, анда Франция 4:1 эсеби менен Мексиканы жеңсе, АКШ 3:0 эсеби менен Белгия курамасын жеңген. Дүйнө чемпиондугунун тарыхындагы алгачкы голду франциялык Люсьен Лоран киргизген.

Жарым финалга 13 курама командадан 4 курама өткөн, алар Аргентина, Уругвай, АКШ жана Югославия болгон. Финалдык бөлүктө Аргентина менен Уругвай кездешкен. Анда Уругвай курамасы 1-таймда жеңилип баратып, 2-таймда эсепти 4:2 айлантып, жеңишке жеткен.

13-июлга карата жылнаама.

Автор: Нурсултан Нурболот уулу
Фото: Интернеттен алынган