Салянованын сотунда күбө катары Алмамбет Шыкмаматов суралды

Бүгүн, 14-июлда Бишкек шаарынын Ленин райондук сотунда Жогорку Кеңештин депутаты Аида Салянованын үстүнөн козголгон кылмыш иши боюнча соттук отурум уланды. Соттук отурумдун жүрүшүндө күбө катары Жогорку Кеңештин депутаты Алмамбет Шыкмаматов суралды.

“2013-жылы Елисеевдин адвокаттык лицензиясынын узартылышы боюнча массалык маалымат каражаттары жазып чыгышты. Мен Мамбеталиевадан тактоо иретинде сурагам. Ал мага бул иште мыйзам бузуулар болбогонун билдирген. Мыйзамга ылайык, Елисеевдин лицензиясын узартууну артка кайтаруу боюнча негиз жок болчу. Мен сот, сизге да, прокурорлор, силерге да айтам. Бул иш силердин эмгек жолуңуздарда эң күлкүлүү иш бойдон тарыхта калат”, - деди Шыкмаматов.

Ал эми прокурорлор Шыкмаматовдун Елисеев менен кандайча тааныштыгы бар экенине кызыгышты.

Ага Шыкмаматов “2010-жылга чейин мен Елисеевди Максим Бакиевдин коррупциялык иштеринин демилгечиси катары билчүмүн” деп жооп берди.

Эскерте кетсек, 2016-жылдын декабрь айында Саляновага "кызматтык абалынан кыянаттык менен пайдалануу" беренеси боюнча кылмыш иши козголгон. Ал "юстиция министри болуп турганда кылмыш жасаганы үчүн издөөдө жүргөн Алексей Елисеевдин адвокаттык лицензиясын узарткан" деп айыпталууда. Тергөөнү Улуттук коопсуздук мамлекеттик комитети жүргүзгөн.

Автор: Мунарбек Жоргомов
Фото: Мунарбек Жоргомов

10:55 14-07-2017

Жазылуу

РУБРИКАДАГЫ СОҢКУ КАБАРЛАР

23:12 2025-06-21 | Бизнес-Инфо

Имамдар арасында жалпы элдик конкурс: Ар бир адам үчүн исламдык каржы 342 0

22:17 2025-06-21 | Коом жана турмуш

МИКтин өкүлү чөгүп жатат деген үйлөр боюнча жеринде түшүндүрмө берди (видео) 1284 0

21:53 2025-06-21 | Коом жана турмуш

Камчыбек Ташиев Ысык-Көлдөгү эс алуучу жайлардын жетекчилерин чогултту. Себеби 1353 0

19:50 2025-06-21 | Коом жана турмуш

"Чындыкка дал келбейт". МИК чөгүп жатат делген үйлөр боюнча үн катты (видео) 1716 0

18:16 2025-06-21 | Коом жана турмуш

Талаада таштанды терип жүргөн балдардын аракети жүрөк жылытты (видео) 1172 0

17:48 2025-06-21 | Кылмыштар, кырсыктар

Куураган чөптөр күйүп... Бишкектин эки жеринде өрт катталды (видео) 663 0

Архив

Комментарийлер (1)

Asan123

2017-07-14 11:06:23

Бийликте кайдагы саткындар эмне эле кылып жатканын тушунсо олойун
Ушакчы катындардай тигини угуптур айтыптыр ушуга окшогон соз чон сотто боло береби сотосо я чумашкалар кайдан чыкан талантуу адамсынар качан нормально башты иштетип сот алып барасынар

Комментарий калтыруу үчүн өз ысымыңыз менен кириңиз же каттоодон өтүңүз.