Өзбекстандын президенти депутаттарды социалдык тармактардан баракча ачып колдонууга милдеттендирди

Өзбекстандын президенти Шавкат Мирзийоев Мажлистин депутаттарын социалдык тармактардан жеке баракча ачууга милдеттендирди. Бул тууралуу жергиликтүү маалымат булактары жазып чыкты.

Президент мындай кадамдын негизинде депутаттардын жасап жаткан иштеринен эл кабардар болуп турат деген пикирде. Депутаттар социалдык тармактарда бир гана баракча ачып тим болбостон, ал жакка эмне иш кылып жаткандыгы, күн тартибинде эмне маселелер тууралуу сөз болду ачык айкын жазып туруусу шарт. Мирзийоев бул демилгенин олуттуу ишке ашышын камсыздоо үчүн маалыматтык технологияны жана коммуникацияны өнүктүрүү боюнча министрге тапшырма бергени жазылат маалыматта.

Президент депутаттарга бул милдетти артып жатып, Өзбекстандагы саясий партиялар берген убадаларын аткарбай жатышат деген пикирди айткан. Алардын иш аракеттерин эл өзү көзөмөлдөп, социалдык тармактар аркылуу суроо-талаптарына жооп алышы керек деген ал.

Автор: Гүлжан Асанкожоева
Фото: Интернеттен алынды