Жаштар арасындагы дзюдо боюнча Азия чемпиондугунун экинчи күнүндө Кыргыз спортчулар 3 медаль багындырышты

Кыргыз өлкөсүнүн желеги көтөрүлүүдө

Айгерим Избасканова

Адиль Мырзаев

Адиль Мырзаев алтын медалды тагынды

Адиль Мырзаев

Казакстандык Нурбек Ортай

Адиль Мырзаев казакстандык Нурбек Ортай менен күрөшүүдө

Бүгүн, 14-июль күнү Бишкекте жаштар арасында өтүп жаткан Азия чемпиондугунун экинчи күнүндө Кыргыз спортчулары 1 алтын жана 2 коло медалды жеңип алышты.

Маалыматка ылайык, Кыргыз дзюдочу Адиль Мырзаев 73 килограммга чейинки салмак ченинде финалдык беттеште казакстандык Нурбек Ортай менен кез келген. Анда 7 мүнөттүк беттештин жыйынтыгында Мырзаев жеңүүчү аталып, алтын медалды тагынды.

Кыз-келиндер арасындагы 57 килограммга чейинки салмак ченинде коло медаль үчүн Айгерим Избасканова ирандык Мохадесех Хоссейнини менен күч сынашты. Анда беттештин негизги убакыты бүтүп, кошумча убакытта Айгерим Избасканова 1 упайга ээ болуп, ирандык балбанды жеңди.

90 килограммга чейинки салмак ченинде кыргыз балбан Умарбек Амиржанов өзбек балбаны Чингизхон Шокиров менен күрөшүп коло медалын жеңди.

Эске салсак, кечээ, 13-июль күнү Кыргыз өлкөсүнүн капчыгына 3 медаль бөктөрүлгөн. Анда Нурислам Иличбек уулу алтын медаль утса, Кубанычбек Айбек уулу жана Хамид Сансанза коло медалдарды жеңишкен.

Автор: Нурсултан Нурболот уулу
Фото: Нурсултан Нурболот уулу