Бүгүн коопсуздук маселеси боюнча Жеңиш Разаков, өзгөчө кырдаалдар министри Кубатбек Боронов, коопсуздук кеңешинин катчысы Темир Жумакадыров журналисттердин суроолоруна жооп беришти.
Анын жүрүшүндө вице-премьер-министр Жеңиш Разаков "Патрулдук милициянын башкы башкармалыгы кайрадан өзгөртүлөт" деп билдирди.
“Патрулдук милицияга тиешеси жок милдеттер алынып салынат. Алар жолдо жүрүүнүн коопсуздугун сактоо боюнча иш алып барышат. Ошондой эле жол кырсыктарынын себебин аныктоо жумушу жүктөлөт. Кызматкерлер жалпы базага кирүүгө мүмкүнчүлүк берген планшет менен камсыз болот. Ал эми аларды кызматка алууда ачык сынак өткөрүлөт”, - деди ал.