Орусиянын Ставрополь крайындагы жол кырсыгынан жабыркагандардын арасында Кыргыз жарандары жок. Бул тууралуу 17-июлда Кыргыздын Орусиядагы элчилигинен билдиришти.
Маалыматка караганда, жол кырсыгы 17-июлга караган түнү "Кочубей-Нефтекумск-Зеленокумск-Минеральные Воды" унаа жолунда болгон. Анда ВАЗ-2110 унаасынын айдоочусу каршы тилкеге чыгып кетип, автобусту сүзүп алган. Кырсыктын кесепетинен жеңил унаанын айдоочусу жана автобустун 1 жүргүнчүсү көз жумган. Андан сырткары 27 адам ар түрдүү жаракаттарды алган.