Жаштар арасындагы Азия чемпиондугунун тандап алуу этабында Кыргыз курамасы Иранга 1:2 эсебинде жеңилди (фоторепортаж)

Бүгүн, 19-июлда Бишкек шаарындагы Дөлөн Өмүрзаков атындагы стадиондо футбол боюнча жаштар арасындагы (U-23) Азия чемпиондугуна тандап алуу этабынын алкагында Кыргыз өлкөсүнүн курама командасы Иран курамасы менен беттешти. Оюн 90 мүнөт бою кызуу жүрүп, эки команда тең жогорку деңгээлдеги футбол тартуулашты.

Оюндун алгачкы мүнөттөрүндө атаандаштар үстөмдүк кылып, бир нече жолу дарбазага топ киргизүү аракетин көрүшкөнү менен, 11-мүнөттө Кыргыз футболчусу Роман Левченко эки коргоочуну алдап өтүп, эсепти ачты. Бирок арадан 3 мүнөт өтпөй Иран өлкөсүнүн курамасынын чабуулчусу Реза Шекари жооптук голду киргизди. 42-мүнөттө ирандык жарым коргоочу Али Гулизаде бир канча коргоочуларды жазгырып өтүп, эсепти 1:2 кылды. Муну менен катар 44-мүнөттө башкы калыс Кыргыз өлкөсүнүн коргоочусу Аскарбек Салиев экинчи сары кагазын көрсөтүп, үй ээлери 10 оюнчусу менен калды.

Экинчи таймды коноктор чабуул менен баштаганы менен, Кыргыз футболчулары топту карамагына алышты. Күйөрмандардын колдоосу менен чабуулдарын күчөтүп, маал-маалы менен коноктордун дарбазачысына кооптуу соккуларды узатып жатышты. Роман Левченконун башы менен узатылган соккусу таамай болгону менен калыстар офсайд деп белгилешти. Акыркы мүнөттөрдө Сүйүнтбек Мамыралиев жана Бахтияр Дүйшөбековдун соккусун Иран дарбазачысы тосуп кетти. Кыргыз жаш футболчулары биринчи таймга караганда экинчи бөлүктө мыкты оюн көргөзүшкөнү менен, эсепти теңей албай калышты.

Бул оюн менен "А" тайпасында Иран 3 упайга ээ болуп, 1-орунга көтөрүлдү. Эми Кыргыз футболчулары 21-июлда саат 19:00дө Оман менен ойнойт.

Автор: Нурсултан Нурболот уулу
Фото: Нурсултан Нурболот уулу

21:47 19-07-2017

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 173 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 229 0

00:36 2025-05-16 | Түркүн дүйнө

Франция Иранды Эл аралык сотко берет 284 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 239 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 745 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 558 0

Архив

Комментарийлер (5)

jonokoi.bala

2017-07-19 22:18:52

Оюн кучтуу болду. Кыргызстанга болгону ийгилик жылмайбады.

Иран оюнчулары убакытты созуу менен кобунчо алек болду.

Анан дагы ортодогу калыс Иран олкосунун футболчуларына тартып туруп алгандай болду.

Эми эмне дейбиз. Кийинки оюнга ийгилик. Оман курамасын утсун. Жок дегенде группадан 2-местону алышсын.

jonokoi.bala

2017-07-19 22:22:33

Группадан 2-местону алып тандоо турларынан отуп кетишсе буюрса Кыргызстан олимпиадалык курамасын Азия чемпионатынан (U23) коруп калабыз....

Kaary

2017-07-20 08:42:43

Жакшы ойношту биздикилер! Молодцы!!! Алга!!

amirrus

2017-07-20 09:09:20

уткан кунунор болобу качан болсо утулду дегенин окуйбуз

-1

alinurfr8

2017-07-20 09:18:30

жакшы ойун болду.. 3.23.8. номер менен ойногон кыргыз жигиттер кийинки ойунга чыкпай еле койгулачы..

Комментарий калтыруу үчүн өз ысымыңыз менен кириңиз же каттоодон өтүңүз.