ЖЫЛНААМА, 25-ИЮЛЬ: 17 жыл мурун Францияда учак кыйроого учурап, 100дөн ашуун адам каза болгон

17 жыл мурун, 2000-жылы 25-июлда Париждеги "Шарль де Голль" аэрпортунан учуп чыгып баратып, "Конкорд" авиалайнери кырсыкка учураган.

Air France авиакомпаниясына тиешелүү учак Париж-Нью-Йорк каттамы боюнча учмак. Учак ылдамдык ала баштаганда эле бир кыймылдаткычы күйүп баштаган. Экипаж учак абага көтөрүлгөндөн кийин кайра кондурууну пландаган. Бирок 2 мүнөттөн кийин аэропорттон алыс эмес жердеги мейманкананын имаратына кулап түшкөн.

Кырсыктын кесепетинен учактын ичиндеги бардык адамдар (100 жүргүнчү, экипаждын 9 мүчөсү) жана кырсык болгон жерде жүргөн 4 киши каза болгон.

25-июлдун жылнаамасы.

Автор: Айпери Ганыжан кызы