Индияда селден каза болгондордун саны 119га жетти

Индияда бир нече күндөн бери катуу жааган жаандан улам сел жүрүп, анын кесепетинен каза болгондордун саны 119га жеткенин аталган өлкөнүн жалпыга маалымдоо каражаттары жазууда.

Маалым болгондой, акыркы сааттарда селден өлкөнүн батышында жайгашкан Гуджарат штаты өзгөчө жапа чегип жаткан болсо, түштүк-чыгыш тарабындагы Аруначал-Прадеш жана Ассам штаттарында каза болгондордун саны көп катталууда.

Жергиликтүү чиновниктердин ЖМКларга берген маалыматына караганда, аталган аймактарда жашаган 40 миңге чукул эл жер которууга аргасыз болууда. Учурда куткаруу кызматы кайык жана тик учактын жардамы менен элди башка аймактарга көчүрүү иштерин жүргүзүп жатышат.

Автор: Жамалидин Парманкулов