Топ-Лига: "Алай" командасы турнирдик жадыбалда сап башында, "Кара-Балта" командасы 6-орунга жайгашты

29-30-июлда футбол боюнча өлкө биринчилиги Топ-Лиганын 11-турдук оюндары өттү. Футбол лигасы кабарлагандай, “Алай” “Кара-Балтаны”, “Нефтчи” “Алганы” кабыл алса, "Дордой" "Абдыш-Ата" менен ойноду.

“Алай” - "Кара-Балта” 10:0

Оштун "Алай" командасы "Кара-Балта" командасы менен беттешип 10:0 эсеби менен жеңишке жетти.

Эсепти 4-мүнөттө Максат Алимов ачып, 18-мүнөттө аны көбөйтүүгө үлгүрдү. Арадан 5 мүнөт өтпөй Умарбек Тохтасинов эсепти 3:0гө айлантты. Оюндун 2-таймында "Алай" командасы артыкчылыгын жоготпой эсепти 10:0гө чейин жеткирди.

"Алай" командасы бул жеңиши менен турнирдик жадыбалда 31 упай менен сап башында, "Кара-Балта" командасы 7 упай менен 6-орунга жайгашты.

Голдор: Максат Алимов (4-мүнөттө, 18, 63, 82), Тохтасинов (23, 55), Абдурахманов (53, 84), Ахмедов (66), Кабылбеков (73).

"Дордой" - "Абдыш-Ата" 4:1

"Дордой" командасынын жарым коргоочусу Сүйүнтбек Мамыралиев 11-мүнөттө Топ-Лигада алгачкы голун киргизип эсепти ачты. Ага "Абдыш-Ата" командасы Андрей Кухаронактын голу менен жооп кайтарды. 54-мүнөттө "Дордой" командасы пенальти тепкенге мүмкүнчүлүк алды, аны Алишер Азизов ийгиликтүү аткарып эсеп санын 2:1 кылып жана 67-мүнөттө 2-голун киргизип эсеп санын көбөйттү. Жыйынтыктоочу голду 76-мүнөттө "Абдыш-Атанын" коргоочусу Аманбек Маныбеков өз дарбазасына киргизди.

Бул жыйынтык менен "Дордой" командасы 18 упай менен турнирдик жадыбалда 2-орунга көтөрүлдү. "Абдыш-Ата" 16 упай топтоп 3-орунда келе жатат.

Голдор: Мамыралиев (11-мүнөт), Азизов (54 пенальтиден, 67) – Кухаронак (37), Маныбеков (76 өз дарбазасына).

"Нефтчи" - "Алга" 2:0

"Нефтчи" командасы өз талаасында ойноп бишкектик "Алганы" 2:0 эсебинде жеңип, турнирдик жадыбалда 4-орунга көтөрүлдү.

Оюндун 1-таймында эки команда тең гол жарата алган жок. 49-мүнөттө Умидилло Иминов эсепти ачса, 67-мүнөттө Нурбек Жолдошев эсепти көбөйттү. "Алга" командасы "Нефтчинин" голдоруна жооп кайтара алган жок. Бул жыйынтык менен "Нефтчи" командасы 12 упай топтоп, 4-орунга көтөрүлсө, "Алга" 9 упай менен 5-орунда.

Автор: Нурсултан Нурболот уулу
Фото: Нурсултан Нурболот уулу

11:12 31-07-2017

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 173 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 229 0

00:36 2025-05-16 | Түркүн дүйнө

Франция Иранды Эл аралык сотко берет 284 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 239 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 745 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 558 0

Архив

Комментарийлер (2)

FCBMESSI

2017-07-31 15:29:46

10 0 эсебинде женуу бул Кыргыз футбол клубтары бири бирин урматтоо жок экендигинин белгиси.Мындай болбошу керек деп ойлойм.

-1

monok2001

2017-07-31 15:30:45

Мен алайдын куйорманы болом,бирок Алай Кара Балтаны жаш балдарды уткандай утуптурго,менимче топ лиганын кызыгы калган жок!!! Айтканымы туура тушунунуздор

Комментарий калтыруу үчүн өз ысымыңыз менен кириңиз же каттоодон өтүңүз.