Абакта жаткан Азамат Мурзалиевди Текебаев менен Чотоновдун сотуна күбө катары чакыруу өтүнүчү четке кагылды

Бүгүн, 3-августта Жогорку Кеңештин “Ата Мекен” фракциясынын лидери Өмүрбек Текебаевдин жана мурдагы элчи Дүйшөнкул Чотоновдун үстүнөн козголгон кылмыш иши боюнча соттук отурум уланууда.

Анда Текебаевдин жактоочусу Канат Хасанов Мамлекеттик мүлк фондунун жетекчисинин 2010-жылы орун басары болуп турган Азамат Мурзалиевди күбө катары көрсөтмө берүүгө чакыруу өтүнүчүн келтирди. Анын айтымында, Мурзалиев 2010-жылдын август айынан декабрь айына чейин Алмазбек Атамбаевдин дайындоосу менен аталган кызматта болуп, "Альфа-Телекомдун" ишине жоопкер болгон. Өмүрбек Текебаев: "Мени айыптап жаткандан кийин иш толук каралуусу үчүн жактоочуларым атын атап жаткан адамдар суралышы керек", - деп айтты.

Ал эми прокурор өтүнүчтү четке кагууну суранып, сот Текебаевдин жактоочусунун өтүнүчүн канааттандырган жок.

Эскерте кетсек, 2016-жылдын 13-октябрында Бишкек шаарынын Биринчи Май райондук соту “Альфа Телеком” ишканасынын жетекчисинин мурдагы кеңешчиси Алмаз Абековду 25 жылга, аталган ишкананын мурдагы жетекчиси Азамат Мурзалиевди 12 жылга, “Новострой Сервис” ишканасынын мурдагы төрагасы Кенжебек Аман уулун 8 жылга эркинен ажыраткан.

Автор: Жамалидин Парманкулов

11:52 03-08-2017

Жазылуу

РУБРИКАДАГЫ СОҢКУ КАБАРЛАР

17:48 2025-06-21 | Кылмыштар, кырсыктар

Куураган чөптөр күйүп... Бишкектин эки жеринде өрт катталды (видео) 49 0

16:38 2025-06-21 | Коом жана турмуш

Бишкек-Ош унаа жолуна япон технологияларын колдонуу менен 750 метрлик тоннель курулат 437 0

16:17 2025-06-21 | Коом жана турмуш

Бишкекте мамлекеттик ипотекага берилген жаңы үйлөрдүн бири чөгүп жаткандыгы айтылды (видео) 1768 0

15:44 2025-06-21 | Коом жана турмуш

Оштун мэри таңкы текшерүүсүн жөө чуркабай, эми велосипед менен өткөрүп баштады (видео) 972 0

15:23 2025-06-21 | Коом жана турмуш

Мугалимдердин айлык акылары эки этапта көтөрүлөт. Качан? 747 0

14:50 2025-06-21 | Түркүн дүйнө

Тунистин мурдагы президенти 22 жылга эркинен ажыратылды 509 0

Архив

Комментарийлер (3)

toktor89

2017-08-03 11:59:34

Соттор чындыкты чыгаргыла. Кудай карап турат.

Mers124

2017-08-03 12:14:47

Сот менен прокурорлордун жузу Текебаев менен Жапаровдун сотунда ачылды го. Мындай соттор турмодогулорун жарымынын тагдырын куноосуз талкалаган окшойт.

alishsapan

2017-08-03 12:59:31

Бул соттор жаман адамдар менин коншумду уй урдагансын деп кылбаган нерсени кылды кылып камап салды

Комментарий калтыруу үчүн өз ысымыңыз менен кириңиз же каттоодон өтүңүз.