Орусиялык телеалпаруучу түз эфирде сүйүктүүсүнүн колун сурады

Орусиянын "Звезда" телеканалынын алып баруучусу Денис Кочанов түз эфир учурунда сүйүктүүсүнүн колун сурады. Бул тууралуу аталган телеканал твиттердеги баракчасына жарыялагандыгын жергиликтүү маалымат булактары жазууда.

Журналисттин айтымында, жакшы жаңылыктар аз болуп жатат. Ошол себептен ал мындай позитивдүү учурду жаңылыктардын түз эфирдеги чыгарылышына кошууну туура көргөн. Ал мындай чечимди көрүүчүлөр да колдойт деп ишенген. Түз эфирдеги чыгарылыштын соңунда диктор ордунан туруп, студиянын ортосуна чыгып чөнтөгүнөн кызыл кутучаны алып чыккан.

"Бүгүн түз эфирде, бүтүндөй калк көрүп жатканда мен сүйгөн кызымдын колун сурагым келет. Ал азыр мени көрүп жатат. Степанова Маргарита, сен мага турмушка чыгасыңбы? Жооп күтөм, сен "ооба" дейсиң деп үмүттөнөм?", - деген Кочанов тизелеп отуруп, кутучадагы шакекти камераны көздөй сунуп.

Маргарита Instagram'дагы баракчасына "Ал түз эфирде менин колумду сурады!!! Албетте мен "Ооба" деп жооп берем", - деп жазган.

Алып баруучунун бул чечими интернетте түрдүү пикирлерди жаратууда. Көрүүчүлөрдүн бири "Жаңылыктар бул жаңылыктарды угуу үчүн болуш керек. Ар кандай тамашалардын кереги жок", - деген оюн жазган.

Бирок сүйүшкөндөргө бакыт тилеген колдонуучулардын саны арбын.

Диктор түз эфир учурунда сүйүктүүсүнүн колун сурады

Автор: Кызжибек Раимова
Фото: Маргарита Степанованын өздүк баракчасынан алынды

09:38 12-08-2017

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1160 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1200 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1377 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1373 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 771 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2625 0

Архив

Комментарийлер (7)

anuvar0903

2017-08-12 09:47:59

Болбогон эле нерсе

mikoo

2017-08-12 10:29:41

...

aerforce

2017-08-12 10:56:36

Жакшы бирок орус ойундагысын кылат деп бекер айтпаса керек ушул колун сураганга тушунбойм бирге жашап журушот даже кебирлери балалуу болуп калсада мага предложение кылбады деп аны туурап биздикилерда ушинтип баштады

mikoo

2017-08-12 10:58:33

aerforce,озу билет да ар ким

-1

tular

2017-08-12 12:36:39

aerforce, туура айтасыз биздикилер батыш олколорун туурап жатышат. Озубуздун илгертеден бери келе жаткан ата-бабаларыбыздын салттарын колдонушубуз керек жана унутпай улап кетишибиз керекда.

Fidel

2017-08-12 14:48:12

Ошондой кылып сурай турганга татыктуу кыз экен, суп сулуу менин табитимдеги кыздардан экен эхх Бир кем дунуйо((

Agayu

2017-08-12 19:53:39

Буларга ар нерсе жараша берет , биз аларды турайбыз деп эки эсе ашырып , жыйынтыгында уятка калабыз .Ошондуктан ар бир улут оз менталитетти менен жашаганы дурус .Болушунча таза ,илим билимдуу , калыстыкты туу туткан , адамкерчиликтуу , барга коппой , жокко чокпой , бар болсо коро албай , жок болсо бере албаган инсандардан болбой жашасак ,бизден откон жакшы инсан болбойт деп ойлоймун..

Комментарий калтыруу үчүн өз ысымыңыз менен кириңиз же каттоодон өтүңүз.