ЖЫЛНААМА, 17-АВГУСТ: "Кудайга көп суроолорум бар" деген белгилүү америкалык актёр жана продюсер Роберт Де Ниро 74 жашка толду

Бүгүн, 17-августта америкалык белгилүү актёр, режиссёр жана продюсер Роберт Де Ниро 74 жашка толду. "Оскар", "Алтын глобус" сыйлыктарынын ээси болгон актёр АКШнын Нью-Йорк шаарында 1943-жылы туулган.

"Өкүл ата" ("Крёстный отец"), "Ойгонуу" ("Пробуждение"), "Ата-эне менен таанышуу" ("Знакомство с родителями"), "Стажёр", "Казино" жана башка тасмаларда образ жараткан атактуу таланттын туулган күнүнө карата ал жөнүндөгү кызыктуу маалыматтарды, ал айткан сөздөрдү назарыӊыздарга тартуулайбыз.

Роберт Де Ниронун жаш кези.

Актёрдун De Niro фамилиясы италия тилинен сөзмө сөз которгондо Ниро аймагынан дегенди түшүндүрөт, тагыраагы, актёрдун урпактары жашаган Италиядагы жайдын аталышы. Расмий "De" деген сөз жок эле, туурасы "Di" болмок. Бирок АКШдагы иммиграциялык кызматта иштегендердин катасы менен "Di" "De" болуп өзгөргөн.

Болочоктогу актёр атасы менен

Келечектеги актёрдун алгачкы дебюту 10 жашында болгон. Мектептеги спектакль коюу учурунда ал коркок арстандын образын жараткан.

1980-жылы "Албуут өгүз" тасмасына тартылуу үчүн Роберт Де Ниро 30 килограммга чейин толгон. Муну менен ал роль үчүн салмак топтогондордун арасында рекорд койгон. Бирок 7 жылдан кийин америкалык актёр Винсент Д`Онофрио ролу үчүн дароо 45 килограммга чейин семирип, рекордду жаӊырткан.

Роберт Де Ниро киного тартылуудан сырткары ресторан иштетүү менен алектенет. Япон башкы ашпозчусу Нобу Матсухиса менен "Nobu" деп аталган ресторандар түйүнүн иштетет.

Роберт Де Ниро

Актёрдун хоббилеринин бири - өзү тартылган тасмаларында кийген костюмдарын коллекциялоо. Коллекциясында 2600дөн ашуун костюм, 500дөй аксессуар бар экени айтылат.

Актёрдун айткан билдирүүлөрү:

"Мен театрга барганды жакшы көрөм. Ал жакта эч ким сенин тынчыӊды албайт. Жадакалса, мени дайыма эле биле беришпейт".

"Башка бирөөлөрдүн жашоосу менен жашап жана ал үчүн акча төлөбөгөнүм үчүн жумушумду баалайм".

"Эс-тутумум начар. Бирок кимдир бирөөнүн мага бул жөнүндө эскерткенин жактырбайм".

"Кандай депрессия болбосун аны жылмаюу менен тосуп алыш керек. Ошондо депрессия сизди акмак экен деп ойлоп, качып кетет".

"Эгерде Кудай болсо, анда менде ага көп суроолорум бар".

"Түрдүү адамдар бар: бири чындап өзгөчө нерсе жаратуунун үстүндө баш катырып жүрсө, башкалары андан болушунча чоӊ киреше табуунун аракетин көрүшөт".

"Атактуу болуунун эӊ жаманы - баары сени колунда көтөрүп жүргөнү. Сен болбогон нерсени айтсаӊ да, айланаӊдагылардын баары башын ийкеп турушат. Чынында, сен уккуӊ келбеген нерсени бетке айта алган адамдар керек".

Жеке жашоосу:

Актёр 2 жолу расмий никеге турган. 1976-жылы актриса Дианн Абботко үйлөнгөн. Түгөйлөр бир уулдуу болушкан соӊ 1988-жылы ажырашып кетишкен. Экинчи жолу 1997-жылы Грэйс Хайтауэр аттуу стюардессага үйлөнгөн. 1998-жылы уулу Эллиот, 2011-жылы кызы Хелен туулган.

Актёр учурдагы жубайы Грэйс Хайтауэр менен

17-августтун жылнаамасы.

Автор: Турсунай Алымкулова
Фото: Интернеттен алынган

14:55 17-08-2017

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1375 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1331 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1479 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1487 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 832 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2814 0

Архив

Комментарийлер (4)

kychan.98

2017-08-17 15:39:34

Маладес жакшы создорду айтыптыр.Бирок Роберт сен акылдуу адам эле экенсин анан кантип Кудай бар экенине ишенбегенин кызык.Кудайга сууроом бар депсин оа сен олгондо сен эмес тескерисинче Кудай сага суроо берет.же болбосо ислам динин кабыл алып куран китептерди окусан жооп аласын Алла Таала биз жарала элек кезде суроолорубузга жооп жазып койгон.

don_quixote

2017-08-17 16:15:30

kychan.98,Сиз да жакшы жазыпсыз го... Бирок, Де Ниро супер кжны, сиздин комментти окуйт болду бекен?

Maika

2017-08-17 16:34:49

don_quixote, ким билет эми, балким окуп калар)))

ady-88

2017-08-17 17:07:51

Легендарный актер мага аябай жагат. Славные парни казино фильмдеринде отто жакшы роль аткарган

Комментарий калтыруу үчүн өз ысымыңыз менен кириңиз же каттоодон өтүңүз.